VEIGA AFIRMA QUE “A MARIÑA É UNHA FORTALEZA PARA CREAR UN PAQUETE TURÍSTICO LUCENSE CON MAR”
O vicepresidente afirmou isto na presentación do portal LugoTerra, que desde o 11 de xaneiro servirá de plataforma para que o sector turístico se promocione nos 4 xeodestinos lucenses, como é o caso da Mariña
Antonio Veiga lembrou que “As Catedrais son o segundo destino máis recoñecido de Galiza, despois da Catedral de Santiago, e hai que aproveitar o seu efecto imán”
Veiga destacou que “a Deputación pon a dispor do sector turístico lucense unha ferramenta web que será importantísima para que este poida posicionar as súas ofertas e iniciativas”
Ribadeo, 17 de decembro de 2012. Esta tarde, o vicepresidente da Deputación de Lugo, o nacionalista Antonio Veiga, xunto ao alcalde de Ribadeo, Fernando Suárez, estivo no concello ribadense para presentar diante dos axentes turísticos e hostaleiros da comarca da Mariña a nova iniciativa web coa que a Área de Turismo da Deputación de Lugo vai realizar as súas accións de promoción do turismo lucense. Trátase dunha nova páxina web, mellorando o posicionamento da existente “LugoTerra”, e que pretende, tal e como indicou Antonio Veiga “fornecer o soporte web, que a Deputación poña os medios para dar visibilidade ao sector turístico privado e que sexan os propios profesionais quen acheguen os seus contidos, as súas ofertas, as súas experiencias”. A presentación desta iniciativa web, na que tamén participou Manuel Pan, de Abertal, como responsábel técnico da xestación da web, e Keina González, de SienteGalicia, web de xestión turística especializada en experiencias, estase a realizar nos diferentes xeodestinos coa intención de espertar a iniciativa turística privada para que propoñan os seus contidos para a nova web que estará lista o 11 de xaneiro.
Tal e como explicou Antonio Veiga, “por unha banda, temos que aproveitar o efecto imán que ten para o turismo a praia das Catedrais, o segundo destino singular máis coñecido e visitado de Galiza, só por detrás da Catedral de Santiago. Por outra, é importante facer ver a fortaleza que ten a Mariña dentro do conxunto da provincia de Lugo porque permite crear oferta conxunta que inclúa mar, xa que, a nivel Estado, Lugo pasa moitas veces por unha provincia de interior”.
Centrándose no que será a propia estratexia web, Veiga afirmou que “no que si que queriamos facer especial fincapé, e no que cremos que a nova web significa unha revolución con respecto ao que se veu facendo ata o de agora, é que a través da web pretendemos lograr que as empresas do sector sexan as protagonistas. Para iso, a web contará cun directorio de profesionais no que o sector privado terá a posibilidade de promover as súas ofertas e experiencias de ocio (de natureza, culturais, gastronómicas, sexa cal sexa) grazas á plataforma da Deputación de Lugo. É dicir, a Área de Turismo da Deputación de Lugo pon os medios necesarios e son os profesionais quen fan uso desa plataforma para promocionar as súas experiencias. Isto realizarase tanto a través das empresas de comercialización como de axentes e entidades asociativas con implicación na actividade turística en toda a provincia. Isto vai ter unha importancia moi grande, xa que grazas a isto todos aqueles axentes turísticos dunha zona como A Mariña que se sumen á páxina estarán centralizados neste Xeodestino e cada visitante da páxina que propoña visitar esta zona da provincia poderá en poucos clics e con sinxeleza optar a todas as ofertas de actividades e experiencias de ocio que nesta zona desenvolve o sector turístico privado”.
Antonio Veiga informou de que o novo espazo web, que se abrirá o 11 de xaneiro xa que ata aquela data é preciso que o sector turístico se implique e propoña as súas ofertas á Deputación de Lugo para situalas na web, vai contar coa mesma división que fixo a Xunta de Galiza cos Xeodestinos, onde a nosa provincia queda dividida en 4 zonas que serían A Mariña, Lugo e a Terra Chá, Ancares – Caurel e a Ribeira Sacra. Polas características do territorio e polas similitudes das comarcas, ou máis ben pola inclusión dalgún concello nalgún xeodestino, quizás a división non sexa totalmente correcta pero preferimos traballar coas mesmas que a Xunta de Galiza, para non crear confusións e ter un criterio unificado na procura de destinos turísticos.
Ademais, Veiga anunciou que paralelamente a esta nova web estase a desenvolver outra chamada “LugoMove” que tamén operará no mesmo sentido que LugoTerra pero no plano cultural, é dicir, ser a ferramenta web para visualizar a oferta cultural de toda a provincia de xeito que todos os axentes culturais poidan colocar aí a súa programación e a xente que acuda ao portal poida ter información detallada do acontecer cultural en calquera punto da provincia, o que tamén terá unha repercusión en termos turísticos e de dinamización da economía.
Esta presentación enmárcase dentro da xeira de presentacións que se levan a cabo nos 4 xeodestinos estabelecidos para tratar de comezar coa promoción do propio espazo web e tamén espertar a iniciativa dos promotores turísticos e as empresas do sector para lograr que LugoTerra sexa un escaparate para todo o turismo lucense.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
