O BNG pídelle á edil de facenda que deixe de facer oposición á oposición e goberne como é o seu cometido.
A Yolanda Pedreira non se lle coñece outra iniciativa que non sexa aproveitar as dos demais e pasar polas Xuntas de Goberno a cobrar os 150 euros que recibe por sesión.
Cervo, 18 de xaneiro de 2012. O BNG saíu ao paso das declaracións da edil de facenda do Concello de Cervo e pediulle que deixe de facer oposición á oposición e goberne como é o seu cometido, neste sentido sinalaron que a esta edil non se lle coñece ningunha iniciativa que non sexa poñerse nas fotos para aproveitar as dos demais e asistir sen falta ás Xuntas de Goberno polas que recibe 150 euros por sesión. Os nacionalistas instaron a Pedreira a que deixe a demagoxia e faga balance de si os 110 euros por hora de traballo que cobrou no último ano e medio servíronlles para algo aos veciños e veciñas de Cervo que lle pagan.
Os nacionalistas instaron é edil de facenda a explicar que o seu voto negativo ás emendas do BNG serviu para que o servizo do Punto de Atención Infantil(PAI) siga sendo moi caro, para impedir novos contratos no Servizo de Axuda no Fogar, para evitar un incremento do 100% nas axudas de emerxencia social, para impedir rebaixas nas taxas das Escolas Infantil e para que o comercio e a hostalaría local non teñan maior apoio económico por parte do concello. O BNG aclarou que “as emendas presentadas eran emendas políticas para a reorientación do gasto e que de aprobarse deberan ser os servizos de intervención os que as axustaran aos criterios orzamentarios, non nos corresponde aos políticos facer o traballo dos técnicos.”
Para o BNG a edil de facenda non está para facer oposición á oposición, senón para gobernar e esta é unha función que non exerce, a Yolanda Pedreira nas sucesivas responsabilidades que ostentou froito das sucesivas dimisións e cambios no grupo de goberno, “non se lle coñece ningunha iniciativa que non sexa saír na foto para aproveitarse das dos demais e asistir á Xuntas de goberno polas que cobra 150 euros a sesión”, os nacionalistas foron mais alá ao indicar que “esta edil custoulle aos veciños e veciñas 110 euros por cada hora de traballo no último ano e medio que non se corresponden co seu grao de dedicación”
Por último os nacionalistas reclamaron a Pedreira menos demagoxia cos salarios que non van por conta do concello porque si se trata se sumar sería bo que revisase o do seu compañeiro de bancada, parlamentario e secretario da cámara galega para meter todo no mesmo saco.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
