A piscina municipal prepara o festival acuático infantil que terá lugar este venres
Cervo, 2 de xaneiro de 2012-O programa de actividades de Nadal elaborado polo Concello de Cervo continúa avanzando. Este venres será o momento de que os nenos e nenas participen no xa habitual festival acuático infantil que se vén desenvolvendo por estas datas nas instalacións da piscina municipal de Lieiro. Unha xornada que comezará ás 17:00 h. e rematará ás 19:00 h., dúas horas nas que os pequenos gozarán de xogos con material propio da piscina e con inchables dispostos para a ocasión.
Esta actividade, organizada pola Concellería de Deportes a través da piscina, “combina o entretemento dos pequenos coa práctica de exercicio” explica a edil de Deportes, Yolanda Pedreira. Deste xeito, “utilizando medios e recursos lúdicos poderemos fomentar o deporte en xeral e a natación en particular entre os nenos e nenas cervenses facéndolles ver que o exercicio vai ligado á diversión” engade Pedreira.
Outra das actividades postas en marcha pola Delegación de Deportes neste programa de Nadal é o Torneo de Tenis de Mesa, que se disputou este venres no pavillón da Veiga e no que participaron preto de 70 persoas, moitas delas procedentes de clubs de Xove, Burela, Ribadeo e Viveiro.
A edil responsable desta área asegurou que a primeira edición foi “un éxito de participación” e na que “o obxectivo de facer visible o tenis de mesa está máis que cumprido”. Do mesmo xeito, o domingo tivo lugar no pavillón unha xornada de portas abertas na que puideron practicar o tenis de mesa todas as persoas que desexaron achegarse a este deporte da raqueta que vai gañando adeptos no territorio cervense.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
