OS SOCIALISTAS AGRADECEN Ó SEÑOR BALSEIRO QUE POR FIN AMOSE INTERESE POR SOLUCIONAR O PROBLEMA COAS ELÉCTRICAS
-Aseguran que “a única administración con competencias no asunto é a Xunta de Galicia, Balseiro como membro do executivo autonómico é o máis indicado para apremiar a Industria a poñer fin a esta situación”
-Despois de levar meses denunciando os problemas vividos polos veciños esperan que “os compañeiros do PP se dean conta da problemática e non se tarde máis tempo en tomar as medidas oportunas”
CERVO, 9 DE XANEIRO. Os socialistas de Cervo amosan a súa alegría ó coñecer que o señor José Manuel Balseiro “por fin manifestou interese por solucionar os problemas que están tendo moitos dos nosos veciños coas empresas eléctricas”.
Dende o Grupo Municipal Socialista lembran que “a única administración con competencias neste asunto é a Xunta de Galicia. O señor Balseiro como membro do goberno autonómico ten tódalas facilidades para mediar coa Consellería de Industria e que ésta dea unha solución urxente a este problema”.
A pesares de recoñecer o bo acto do señor Balseiro, afirman que “non era sen tempo xa que nós, como GMS, levamos moitos meses denunciando a situación publicamente. Dende novembro unímonos á Plataforma de Afectados polos Abusos do Mercado Eléctrico, organizamos charlas informativas para os veciños que se encontran nesta situación e presentamos unha moción na que instábamos á Xunta de Galicia a tomar as medidas oportunas para controlar o exceso das facturas eléctricas e compensar o sobrecusto aplicado a moitos consumidores polos erros do sistema”.
Agradecen unha vez máis a colaboración de Balseiro e insisten en que comparta o seu interese cos demais membros do Partido Popular, pois “os seus compañeiros de partido foron os primeiros en votar en contra dunha moción sobre o tema no pleno da Deputación Provincial de Lugo”.
Os socialistas subliñan que “tódolos esforzos serán positivos para dar coa solución a esta situación” e agardan que “a Consellería de Industria, como principal responsable con competencias na materia, non tarde moito máis tempo en tomar as medidas axeitadas para finalizar con este asunto dunha vez por todas”.
GRUPO MUNICIPAL PSdeG-PSOE CERVO
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
