O TEMPORAL DA PASADA FIN DE SEMANA DEIXOU DESPRENDEMENTOS NA VILA E TAMÉN EN ARANTE E COVELAS, ADEMÁIS DOUTRAS PEQUENAS INCIDENCIAS.
Ribadeo, 21 de xaneiro de 2013. O temporal de chuvia e vento da pasada fin de semana deixou en Ribadeo desprendementos na rúa Muralla e tamén nas parroquias de Arante e de Covelas e pequenas incidencias noutras zonas.
O alcalde, Fernando Suárez, dixo que “afortunadamente este temporal de auga, de vento e de frío, que tivemos esta fin de semana e que realmente choveu moitísimo, non foi tan grave nas súas consecuencias como o de hai tres anos, cando tivéramos tantos problemas, tantas incidencias, tantos desbordamentos e que tanto mal fixera en practicamente tódalas parroquias do noso concello”.
O rexedor indicou que “sí que tivemos incidencias e estivo traballando o persoal do Grumir e da Policía Local de maneira moi activa, e singularmente o sábado, porque houbo algún pau de teléfono caído, algúns camiños atoados por algún desprendemento de terras, concretamente en Arante e en Covelas, a onde tivo que ir a pala municipal. Na rúa Muralla, de Ribadeo, houbo un pequeno desprendemento e estivo cortada todo o día do sábado por precaución por si ía a máis ou non. Tamén houbo cortes nalgunha vía provincial, como foi no caso de Porto polo asolagamento dunha parte importante desa estrada, o que facía perigoso circular en vehículos”.
Suárez Barcia dixo que “non choveu tanto como da outra vez, pero foi importante moita da limpeza de gabias que se teña feito en sitios conflitivos que deran moito traballo hai tres anos, como no caso dos Bestilleiros, onde se fixeron traballos importantes para evitar o desbordamento do río e que afortunadamente quedou todo nun susto e esperemos que sen maiores consecuencias. Polo tanto agora, a partir de hoxe mesmo, a brigada de obras do Concello segue traballando estreitamente co parque de maquinaria da Deputación de Lugo no arranxo, que xa estabamos facendo antes, dos camiños municipais das parroquias”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
