CHARLI, DO EQUIPO DE MUIMENTA “CARABULLO”, GAÑA O IV ABERTO DO LACÓN DE MEIRA
Esta proba de billarda, pertencente á 7ª xornada da Conferencia Norleste da Liga Nacional de Billarda, xuntou o sábado máis de 70 palanadores e palanadoras de Lugo e doutras partes de Galiza
Por equipos, Extensión Billarda, equipo de Meira-Bretoña, foi o gañador da xornada
O equipo de Meira, Tropa Lixeira, accede ao 2º posto da clasificación xeral e sitúa a dous dos seus xogadores entre os 5 primeiros da clasificación individual
A Asociación Cultural Eme de Meira organizou este sábado en Meira o IV Aberto de Billarda do Lacón de Meira, unha proba que xuntou nunha participación histórica a máis de 70 xogadores e xogadoras, principalmente da zona centro e a Mariña de Lugo, mais tamén acudiron xogadores doutras conferencias, en grande parte das Rías Baixas.
A competición, que nun principio estaba prevista para xogarse ao aire libre na Praza do Convento meirega, tivo que disputarse no pavillón polideportivo debido ás inclemencias meteorolóxicas. Foi unha xornada moi disputada no que o terreo de xogo tan rápido fixo que a igualdade predominase entre os xogadores máis expertos e os principiantes. Charli, do equipo de Muimenta “Carabullo”, facíase co triunfo individual, premiado cun cobizado lacón meirego e unha restra de chourizos, logo de vencer na final e relegar ao segundo posto á xogadora Lu, de “Corredoiras” procedente das Rías Baixas (e actual campioa nacional de billarda). O 3º posto estaría completado por Noé, das Troitas Bravas da Pontenova e por equipos o triunfo foi para Extensión Billarda, equipo de Meira-Bretoña.
O equipo da Asociación Cultural Eme de Meira, Tropa Lixeira, logo dunha xornada meritoria na que un dos seus xogadores, Óscar, pelexou polo 3º posto e fixo 2 varaos (golpe directo) accede ao 2º posto da clasificación xeral e sitúa a dous dos seus xogadores entre os 5 primeiros da clasificación individual, Óscar e Ríchar.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
