Álvarez convoca aos grupos da oposición para intentar facelo de maneira consensuada. Ademais, presentou na Xunta unha proposta para instalar un ascensor na Casa do Concello.
Lourenzá, 26 de febreiro de 2013. A alcaldesa de Lourenzá, Emma Álvarez Chao, e a técnica de Cultura municipal, María José López Noceda, reuníronse en Santiago co director xeral de Administración Local da Xunta, Norberto Uzal, e con membros do Instituto de Estudos Galegos Padre Sarmiento, entre os que se atopaba o seu director, Eduardo Pardo de Guevara. “O motivo do encontro foi falar dun tema que xurdiu nunha visita anterior ao director xeral de Administración Local á vista do escudo que ten o Concello de Lourenzá, que debe ser modificado para adaptarse á normativa heráldica”, explicou a rexedora local.
Emma Álvarez anunciou que o novo escudo do Concello “debe ser aprobado polo Consello da Xunta e leva uns pasos que define moi ben o decreto 19/2010 de 11 de febreiro, polo se aproba o regulamento dos símbolos das entidades locais de Galicia. Aquí dise que os escudos deben representar a súa historia local. O Instituto de Estudos Galegos Padre Sarmiento estivo a traballar de forma oficiosa desde o mes de outubro nun posible escudo para o Concello de Lourenzá. Trátase dun esbozo que nos pasaron no día de onte e que analizaremos os tres grupos da corporación municipal o vindeiro venres, 1 de marzo, pola tarde”.
A alcaldesa engadiu que “este sería o primeiro paso pois, aínda que tería que iniciarse o expediente nun pleno da corporación municipal, desde o equipo de goberno consideramos que este asunto debería ser apoiado polos tres grupos políticos, xa que un escudo é algo que debe permanecer no tempo. Non serve de nada aprobar agora un escudo cos votos da maioría e o día de mañá que cambie o goberno e que outros decidan modificar unha vez máis o escudo. Este símbolo baséase nunhas normas moi ríxidas e non pode recoller todo aquilo que nós desexaríamos, ou todo aquilo que os laurentinos quixeran ver reflectido no seu escudo”.
Aproveitando esta visita a Santiago de Compostela Álvarez entregoulle ao director xeral de Administración Local unha proposta de accesibilidade para a Casa do Concello. “Temos unha Casa do Concello moi bonita, histórica, pero que non é accesible para persoas discapacitadas. Leveille a proposta de instalar un ascensor que comunique a parte baixa do edificio coas oficinas administrativas e Norberto Uzal comprometeuse a estudar este asunto xunto co conselleiro de Presidencia para ver que poden facer desde a Xunta para facer máis accesible a Casa do Concello de Lourenzá”, explicou a rexedora municipal.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
