Lugo, 28 de febreiro de 2013. O vicepresidente da Deputación de Lugo e o delegado de Cultura e Turismo da Deputación, os nacionalistas Antonio Veiga e Mario Outeiro, presentaron esta mañá no salón de actos da Deputación a liña de axudas en concorrencia competitiva para os colectivos culturais e concellos para a realización de actividades culturais. Mantéñense todas as liñas de axudas de convocatorias anteriores cun investimento de 540.000 euros, unha cifra apenas reducida con respecto ao ano pasado. Estas axudas serán aprobadas mañá en Xunta de Goberno e publicadas o vindeiro luns no BOP, momento no que as asociacións culturais xa poderán recoller as bases e presentar as súas solicitudes no prazo de un mes. As actividades culturais subvencionadas son as realizadas durante o 2013 e as asociacións e concellos terán de prazo para xustificalas até o 31 de marzo de 2014. É importante sinalar, como mostra da importancia para o tecido cultural desta convocatoria, que ano pasado superáronse as 600 solicitudes por parte de asociacións e concellos lucenses.
Tal e como sinalou Antonio Veiga, “facemos públicas as bases das axudas coa maior rapidez posible, sendo sabedores da difícil situación pola que está pasando o tecido cultural lucense e galego, en boa medida polo abandono ao que o ten sometido a Xunta de Galiza, que co pretexto da crise e da austeridade deixou de subvencionar o tecido cultural de base, pero sigue enterrando centos miles de euros no mausoleo da cultura galega como é a Cidade da Cultura, precisamente onde xente do mundo cultural se tivo que encerrar como medida de protesta polo abandono absoluto no que se atopa o sector por parte do goberno de Feijóo. As administración públicas non nos podemos escudar na crise e na falsa austeridade para acoutar a resposta social e a creatividade que cada día máis está na rúa, a cultura é do pobo e como tal, desde as administración públicas así o temos que crer e potenciar”.
Pola súa banda, o delegado de Cultura e Turismo, Mario Outeiro, entrou máis polo miúdo á explicación das liñas de axudas, que son as mesmas que o ano pasado e aclarou que “as entidades culturais poderán acollerse a dúas liñas, que son compatibles (as asociacións poden pedir as dúas): Realización de actividades eventuais ou actividades anuais. Para as actividades de carácter anual (permanente) o límite da axuda son 8000 euros e para eventos culturais 6000 euros. O investimento total para esta liña de axudas son 400.000 euros”.
“Por outra banda, para os concellos hai catro liñas, dúas para a realización de actividades e dúas para investimentos, é dicir: por un lado a realización de actividades eventuais (eventos puntuais) ou de carácter anual, para o que só se poderán acoller a unha delas. Esta liña está dotada con 80.000 euros. Por outra parte están as dúas liñas para a realización de investimentos en infraestruturas culturais ou a adquisición de equipamentos para uso cultural: destas dúas últimas liñas os concellos terían que escoller tamén unha. Esta liña está dotada con 100.000 euros”.
Mario Outeiro destacou que “os criterios de valoración destas subvencións son obxectivos e buscan valorar aquelas actividades que potencien a nosa cultura e sexan abertas á poboación e nas mesas de valoración das axudas, ademais do persoal técnico, teñen representación as tres forzas políticas que fan parte da institución provincial”.
Hai que aclarar que quedan excluídas desta convocatorias as axudas para comidas, e as viaxes que se realicen que non leven aparelladas unha actividade cultural complementaria, festas patronais e eventos relixiosos, así como proxectos de carácter deportivo, relixioso, político, militar e –en xeral que sexan corporativos restritivos, xa que o seu fin non é a promoción dos recursos e manifestacións culturais para a poboación en xeral. Neste sentido, Mario Outeiro aclarou que “o diñeiro público debe ser investido en crear cultura para todos e todas e isto é algo que tamén primamos nos criterios de valoración”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
