O secretario xeral en Lugo defende a “participación activa” da militancia e incide na importancia de construír un partido “que sexa útil á sociedade e artelle políticas de crecemento contra a austeridade empobrecedora do PP”
O secretario xeral do PSdeG-PSOE en Lugo, José Ramón Gómez Besteiro, afirmou esta mañá que espera “escoitar o secretario xeral” do PSdeG na Executiva que se celebrará esta tarde, para coñecer “o proxecto que se vai levar ao Comité Nacional” do vindeiro sábado. Mentres, deixou claro cal debe ser o obxectivo do partido: “O que nos toca agora, e o que vou facer eu, é traballar para que o partido socialista sexa un partido forte e unido”, asegurou. “Creo que é no que debemos traballar nos próximos meses para ser útiles á sociedade, sobre todo neste momento, cunha política da dereita de austeridade empobrecedora, un concepto do que xa teño falado dende hai tres anos e que agora condena ata o FMI”, engadiu.
“Hai que artellar políticas de crecemento, levamos padecendo esta austeridade preto de cinco anos en Galicia e case un ano e medio desde o Estado, no que a situación do país só vai a peor, e iso é co que temos de loitar. Vou traballar desde o partido para contrarrestar estas políticas da dereita que non aportan nada positivo”, destacou.
Con respecto ao calendario do partido en Galicia, Gómez Besteiro apuntou que “se se confirma que estes pasos se van dar antes do verán, isto é o que a gran maioría do partido quería, esperaba e demandaba, pero esperarei a escoitar o secretario xeral”, insistiu. En relación á fórmula de elección, reafirmouse na súa idea e defendeu a “participación activa da militancia” no proceso. “Ben saben cal é a miña opinión sobre a participación activa da militancia neste procesos. Son unha persoa respectuosa cos procedementos, un pode estar de acordo coa legalidade ou non, pero mentres existe hai que cumprila e é positivo intentar cambialo, pero dentro dos marcos de referencia do partido me movín, me movo e me moverei. Defendo un papel moi activo dos militantes e neste sentido vou traballar”, afirmou.
Con respecto á situación xudicial de José Blanco, á que xa se referiu esta mesma semana, incidiu na mesma idea da defensa da presunción de inocencia: “Non vou variar a miña posición, que segue a ser a mesma, Blanco ten o meu respaldo e creo que é inocente e non vou entrar en especulacións, porque nin debo nin quero”, dixo. Tamén rexeitou falar sobre o papel do exministro no PSdeG ou sobre posibles candidaturas: “Ese proceso aínda non está nin aberto. O importante é construír o futuro do partido e traballar en clave de unidade e solidez. Sobre especulacións non falo”, concluíu.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
