A Federación Galega de Municipios e Provincias (Fegamp) quixo hoxe mostrar o seu recoñecemento ao impulso que a Xunta está a dar á ordenación do territorio e a colaboración que para esta tarefa está a exporse aos municipios. A Consellería de Medio Ambiente avanzou onte un plan para elaborar os plans urbanísticos nos concellos de menos de 5.000 habitantes, que facilitará unha clasificación do solo e unha adecuación das normas locais á lexislación vixente.
Para José Manuel Rey Varela, presidente da Fegamp e alcalde de Ferrol, “é unha proposta que saudamos, sempre que se faga de forma consensuada entre a Xunta e os servizos técnicos de cada concello”, xa que permitirá a moitos municipios “acometer unha adecuación legal para a que non sempre se dispón dos recursos económicos e humanos”. “O importante é que a adhesión se realice de forma voluntaria”, engadiu, “mesmo para aqueles concellos que xa estean no proceso de elaboración dos seus respectivos plans xerais”.
“Temos unha materia pendente na lexislación sobre o territorio a nivel municipal”, recoñeceu Rey Varela, “e con esta oferta de Medio Ambiente exponse a posibilidade de ila emendando a medio prazo”. A Fegamp estima que terá unha boa acollida entre os concellos máis pequenos, principalmente das comarcas do interior, “porque é unha axuda a custo cero”.
Segundo Rey Varela, “é un novo exemplo da colaboración entre administracións públicas, que só redunda nuns mellores servizos para os veciños, porque dá máis garantías xurídicas á hora de obter unha licenza e realizar calquera obra”. “Agora que estamos a debater sobre as competencias municipais, o urbanismo é unha de carácter básico de cada concello”, matizou, “e con todo, a Xunta ofrécese a colaborar no seu desenvolvemento”. “É unha boa noticia”, resumiu.
Na actualidade, os concellos sen plan só poden conceder licenzas en zonas categorizadas como solo urbano consolidado, limitando o desenvolvemento dos núcleos rurais. A oferta exposta pola Consellería de Medio Ambiente, Transporte e Infraestruturas procedería a unha delimitación básica dos núcleos de poboación e a unha clasificación dos solos e os seus distintos usos.
Alegacións á reforma local
A Xunta de Voceiros da Fegamp acordou esta mañá convocar para o vindeiro luns a reunión da súa Comisión Executiva, o seu órgano de goberno, co obxectivo de aprobar un documento único de alegacións ao Anteproxecto de Lei de reforma da administración local. Tras unha reunión de dúas horas, os voceiros dos tres principais partidos intercambiaron as súas propostas, coincidindo na posibilidade de alcanzar finalmente un acordo para que o municipalismo galego fale cunha voz única ante a FEMP e o Ministerio de Facenda e Administracións Públicas.
Segundo explicou José Manuel Rey Varela, presidente da Fegamp e alcalde de Ferrol, “quero destacar a boa disposición dos voceiros para, aparcando diferenzas partidarias, defender os intereses de Galicia e os seus concellos”.
A falta de concretar o contido definitivo das alegacións, Rey Varela avanzou a reclamación unánime dos grupos para que “o custo estándar dos servizos non se fixe desde o Estado, senón que se faga desde as autonomías”, respectando así as diferenzas sociodemográficas e económicas de cada territorio.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
