A xustiza pechou o caso Gazeley, dando a razón por segunda vez á Deputación de Lugo e obrigando á empresa a pagar todos as costas. A Deputada de Economía, Recadación e Facenda, Pilar García Porto, avanzou este mércores que o Xulgado de Primeira Instancia vén de declarar “firme” a sentenza existente sobre este procedemento -a favor da institución- nun auto de resolución emitido logo de que a entidade de Dubai decidise retirar o recurso de apelación presentado ante a Audiencia Provincial.
García Porto explicou que “malia a contundencia da sentenza do Xulgado do Mercantil, Gazeley decidiu en xaneiro presentar un recurso de apelación que, finalmente, esta empresa se viu obrigada a retirar, consciente de que non ten ningún argumento para reclamar á Deputación 4 millóns de euros de todos os lucenses. A xustiza non só mantén que esta institución non ten que indemnizar de ningunha maneira a esta entidade, senón que determinar que é Gazeley quen ten que pagar ós lucenses os custes ocasionados por este caso, é dicir, tanto as costas do xuízo como as do recurso de apelación”.
O PP non defende os intereses dos lucenses
Ante esta nova, a Deputada subliñou que “todos os lucenses estamos de noraboa. Os feitos amosan, unha vez máis, que a Deputación de Lugo xestiona ben e que sabe facer valer a súa xestión e os seus dereitos ante intereses espurios ou especulativos. E faino sen o apoio do Partido Popular lugués que, lonxe de manter unha actitude prudente, preferiu manipular este asunto e defender os argumentos dunha empresa de Dubai, que tirou polo chan a xustiza, fronte ós dunha institución que representa ós cidadáns desta provincia. A actitude do PP xa quedou patente onte no Pleno, onde tampouco defendeu os intereses dos lucenses, senón os do Goberno galego, facendo de Delegados da Xunta, ó negarse a que a principal administración galega cofinancie os servizos sociais e o emprego en Lugo como fai nas restantes provincias; ó opoñerse a manter as áreas sanitarias do Hospital da Costa e do de Monforte, así como os seus servizos; ou ó rexeitar que Fomento impulse a Autovía Lugo-Santiago. É hora de que o PP de Lugo pida desculpas ós lucenses”.
Sen argumentos
Gazeley tivo que retirar o recurso de apelación ante a Audiencia Provincial ó quedarse sen argumentos, tendo en conta a sentencia do Xulgado do Mercantil, que mantén:
PRIMEIRO.- O contrato de compra-venda da parcela do polígono de Begonte asinado en 2008 por Gazeley e SUPLUSA recolle unha cláusula na que, especificamente, a empresa renuncia a indemnización no caso de que se incumpra o prazo de execución das obras, un prazo que, en todo caso, se incluía no contrato só con mero carácter referencial e co obxectivo de facilitar as xestións de Gazeley con Carrefour.
SEGUNDO.- Na escritura de compra-venda da parcela asinada por Gazeley e SUPLUSA en 2009 recóllese, literalmente, que “a parte compradora –Gazeley- coñece e acepta o estado no que se atopan as obras de urbanización do polígono, inconclusas, e a entidade vendedora –SUPLUSA-, pola súa banda, comprométese a finalizalas totalmente e á súa costa”, sen establecerse ningún prazo en concreto para facelo. É dicir, co consenso de Gazeley, na escritura non se fixa ningún prazo para rematar as obras do polígono.
TERCEIRO.- A xuíza estima probada a vontade de SUPLUSA de cumprir a súa obriga de terminar as obras de urbanización do polígono e de dotalo de subministro eléctrico por dúas razóns:
– Por un lado, está acreditado documentalmente que, dende o ano 2005 -é dicir, aínda antes de que SUPLUSA lle vendera a parcela a Gazeley-, houbo contactos e conversas entre a Sociedade Urbanística Provincial e a compañía eléctrica BEGASA para dotar ó polígono de subministro eléctrico.
– E, por outro lado, BEGASA confirmou tal extremo e deu fe no xuízo de que se estivo negociando o convenio de colaboración entre SUPLUSA e BEGASA co fin de encontrar a mellor solución dende o punto de vista técnico e económico; que o tempo de negociación foi normal, e que a solución máis viable finalmente foi unha liña de media tensión.
“Pero non só iso”, explicou Pilar García, ademais de non apreciar desidia, nin deixadez por parte de SUPLUSA, “a xuíza recoñece que a entidade provincial lle deu facilidades a Gazeley, permitíndolle que, antes da venda da parcela, puidese adiantar traballos de construción do seu centro de distribución de mercadorías, co que puido acabalo e entregalo a tempo en arrendamento a Carrefour”.
Gazeley
Gazeley comprou en 2008 unha parcela no parque empresarial de Begonte, onde construíu un centro de distribución de mercancías, que, posteriormente, arrendou a Centros Comerciais Carrefour S.A. Esta firma comercial estivo utilizando a mencionada nave ata o 28 de febreiro de 2012. Catro meses despois, en xuño de 2012, Gazeley interpuxo unha demanda contra SUPLUSA na que lle esixía danos e perxuízos, alegando que o suposto incumprimento das obras do polígono lle provocara perdas económicas.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
