Este venres día 8 comezan as actividades do Entroido 2013 en Xove, organizadas pola Concellería de Cultura e a Concellería de Servizos Sociais. O programa de mañá inclúe ás 11.00 horas o desfile da Escola Infantil de Xove ata o Concello. E ás 11.30 festa do Entroido da Escola Infantil no salón de actos do Centro Cívico. Ante posibilidade de choivas, se así fose o caso, tanto o desfile como a festa celebraríanse na Escola Infantil. Tamén informan que está aberto o prazo para inscribirse no Desfile de Entroido do sábado 9. Estará aberto o venres 8 de 8 a 15 horas nas oficinas do técnico municipal de Cultura, no último andar do Concello. Tamén se poderá inscribir o sábado 9 de 15 a 19 horas na nave-almacén situada ao carón do campo municipal de fútbol de Xove (lugar onde partirá o desfile). Dende o Concello avisan que para o desfile do sábado a partires das 17:00 NON APARQUEN na marxe dereita da estrada (Avenida Deputación) en sentido cara a Viveiro, dende o primeiro semáforo ata o seguinte.
Actividades do Entroido en Xove
Relacionado
-
Esta fin de semana a Bolera Municipal de Sumoas, Xove, acollerá unha cita deportiva de máximo nivel: o Campionato de España Feminino Iberdrola, nas modalidades individual e por parellas
-
A deputada de Cultura, Iria Castro, e o deputado de Rural, Mar e Mocidade, Daniel García, asistiron este luns en Mondoñedo á inauguración da rúa Andrea López Chao en homenaxe á mestra mindoniense, pioneira na loita polo dereito das mulleres á educación e á saúde na emigración galega en Cuba
-
A obra teatral Zozobra chega a Vilalba a través do programa “Escena Camino Norte” e a área de Cultura
As delegacións municipais participan neste acto solemne que mantén viva a devoción pola patroa da cidade de Mondoñedo e reforza a unión entre os concellos da contorna. Mariña Gueimunde subliñou que «para Viveiro é unha honra participar nesta celebración tan arraigada que une ás nosas vilas a través da tradición e da cultura». Engadiu que «é fundamental preservar estas manifestacións colectivas que forman parte da nosa identidade e que fortalecen os lazos de fraternidade entre os pobos veciños».
O encargado de dar a saída foi o alcalde, Dani Vega, que estivo acompañado pola concelleira de Igualdade, Begoña Sanjurjo, e pola presidenta de Acisa, Carmen Cruzado. Por diante 21 quilómetros de percorrido por paraxes espectaculares ata chegar á meta na praia das Catedrais. A proba desenvolveuse nunha tarde soleada e moi calorosa.
O evento está organizado pola asociación de veciños da parroquia, co apoio do Goberno galego. Arias puxo en valor o traballo do colectivo organizador para "facer medrar este evento ano tras ano, consolidándoo en soamente tres anos como unha das citas destacadas no calendario festivo da comarca".
Na xuntanza, que tivo lugar no Departamento Territorial da Xunta en Lugo, avaliouse a posibilidade de establecer vías de colaboración para mellorar as infraestruturas rurais da localidade. A maiores, estudouse a situación dos instrumentos de mobilización da terra agraria que se desenvolveron na localidade e afondouse na mellora da súa xestión forestal.
