Día das Tres Gracias

Como vén sendo tradicional, mañá día 1, primeiro venres do mes de marzo, celebrarase o día das Tres Gracias (arraigada tradición popular na que se formulan ó santo tres desexos) na capela da Misericordia de viveiro, onde se venera a imaxe do Santo Ecce-homo, que tanta devoción a profesa en toda a comarca. Desde primeiras horas da mañá e ata á noite, os fieis visitarán a capela para formular as Tres Gracias ou tres desexos (que segundo di a tradición se cumpre un deles). Ademais, a primeira misa terá lugar pola mañá a partir das 12. E xa pola tarde celebraranse dúas misas, unhas ás seis e media e outra ás oito e media.