Fernando Suárez demanda un plan de acción e un modelo de xestión para a Praia das Catedrais

O salón de plenos do Concello de Ribadeo acolleu esta tarde unha xuntanza institucional sobre a praia das Catedrais, que foi convocada días atrás polo alcalde, Fernando Suárez. Na súa intervención inicial o rexedor dixo que “non se trata de pedir cartos, o que queremos é que, entre todos e liderado por quen queirades, isto non sexa un momento único, senón que dentro dun ano lle poidamos enviar a Pia Bucella actas de acordos que xeneremos aquí entre todos desde este preciso momento”.
Pola súa banda, a directora xeral de Natureza e Biodiversidade da UE, Pia Bucella, amosouse disposta a colaborar, “si hai algo que poidamos facer desde a UE para garantir que se aplica ben a lexislación comunitaria sobre a natureza e si teñen algún tipo de expectativas pola súa parte non dubiden en facérnolas chegar”.
Ao encontro desta tarde asistiron tamén o vicepresidente primeiro da Deputación de Lugo, Antonio Veiga; a vicepresidenta segunda da institución provincial, Lara Méndez; o xefe provincial de Costas, José Miguel Esteban Dolls; Ignacio Samper, director da oficina do Parlamento Europeo en España; Antonio Callejo, xefe de servizo da Consellería de Medio Ambiente en Lugo; e os edís de Turismo e Medio Ambiente de Ribadeo, Ana Martínez e Horacio Cupeiro, respectivamente.
O alcalde de Ribadeo demanda do conxunto das administracións un plan de acción e un modelo de xestión para As Catedrais, control e atención á protección medioambiental do entorno, programas de educación e sensibilización medioambiental, atención e información turística e oferta de produtos e de actividades destinadas ao turismo que visita a praia das Catedrais.