Mercado do Souto sobre Rosalía

O domingo 24 de febreiro a nova edición do Mercado do Souto de Cervo centrarase no aniversario do nacemento de Rosalía de Castro. A partires das 12.00 horas haberá un acto poético. Ademais, o gaiteiro Bossa interpretará a “Alborada para Rosalía” con lectura do manifesto que se vai facer en varias vilas e cidades galegas. E completará a xornada unha lectura de poemas de Rosalía a cargo da poeta Marina Oural Villapol do Val de Lourenzá. O mercado estase a realizar no pavillón polideportivo pechado que ten o Concello de Cervo a carón do Colexio Público ata que o tempo permita volver á Praza do Souto. Esta é unha iniciativa da Asociación C. Airiños do Xunco de Cervo e da Asociación de consumo ecolóxico Karrikanta.