O BNG de Trabada considera que ser alcalde consiste en velar polos intereses do pobo non polo dun propio

Dende o BNG de Trabada consideramos vergoñento que o alcalde do noso concello este mais preocupado polo seu salario que polos nosos veciños, e polo que se ve esta en política polo seu interese e non para solucionarlle os problemas a xente.

Moito lle preocupa que coa reforma da lei da administración local o seu soldo quede nuns 20.000 euros brutos anuais e os nacionalistas criticamos que o señor Ginzo lle pareza pequeno este salario pois cos tempos que corren con este soldo moitos dos nosos veciños estarían dispostos a repartilos entres dous e así contarían con traballo e non estarían desempregados

O que no BNG nos causa mais malestar e que diga que vai pedir explicacións o seu partido e deixar a actividade política se tocan o seu soldo, aquí queda claramente demostrado que exerce de alcalde polo seu propio interese pa ter un bo nivel de vida non preocuparlle nin o mais mínimo Trabada.

Nos preguntámoslle por que non lle pediu explicacións o seu partido ou o señor Feijóo por exemplo cando recortaron a os nosos veciños en axuda o fogar, anularon a axuda en tele asistencia ou mesmo cando nos presupostos da xunta Trabada queda esquecida ano tras ano e así deixando de facer cousas polo interese dos nosos veciños coma as vivendas sociais longamente prometidas e tamén coma chegar a un acordo pa o arranxo da ponte da Ria de Abres.

Ou coma cando dende a xunta de Galiza se bloquean proxectos como da residencia da terceira idade que a Deputación pretendía construír no noso concello, ou as pontes de Trabadela que xa levan tres anos derruídas e cada poucos meses sae na prensa contando o de sempre que agora si que hai acordo coa consellería de medio ambiente para facelas pero a realidade e que o tempo vai pasando sendo incapaz de pedir explicacións nin dalas de para cando verdadeiramente se iniciaran as obras.

Cantas veces se ten visto o señor Yanes Ginzo apoiando publicamente o sector gandeiro o cal verdadeiramente si viu como se lle reducían drasticamente o seus ingresos nos últimos anos e tamén cal e o apoio que ten mostrado os diferentes obreiros de Trabada en situación de ERE, desemprego ou noutros veciños con mala situación económica.

Por iso dende o BNG creemos inxustas as preocupacións de Ginzo e que ser alcalde dun pobo significa preocuparse por el non polo seu propio interese.