UNIFOZ quere manifestarlle aos veciños e veciñas de Foz a súa disposición para consensuar uns ORZAMENTOS MUNICIPAIS, uns orzamentos pensados en sacar a Foz, na situación de parálise e abandono a que nos ten sometidos o PP de Foz.
UNIFOZ, defende de igual xeito que o fixo o ano pasado, un documento de orzamentos serio, crible e pensando nas obrigas do propio Concello e nas necesidades máis urxentes:
-Plan de emprego, para Unifoz, o plan de emprego é algo máis que un diñeiro nunha partida, por ese motivo, queremos un plan de emprego que responda.
-As necesidades do noso pobo, para reforzar servizos (turismo, biblio-praia, axuda no Fogar, limpeza, coidado de zonas verdes, rozado de pistas, socorrismo, electricista).
-Inclusión de persoas con e sen titulación e xoves.
-Bases pactadas na Corporación, onde se garanta, publicidade, mérito e capacidade, e situación social.
-RPT, Unifoz, considera que o pago do 30 % da RPT, non é unha subida ,se non unha débeda do Concello cos traballadores/as , e que a aplicación da RPT, ten que estar contemplada no orzamento,en cumprimento do acordo da corporación o pasado 25 de febreiro de 2010, do contrario PODERÍA PRESENTARSE RECLAMACIÓN o orzamento.
-Aforro, Unifoz, considera que é necesario un plan de aforro, e non seguir gobernando a golpe de talonario como fai este goberno do PP en Foz, onde recordamos unha vez máis que o ano pasado cando so podían gastar 60.000 € en festas, gastaron 129.000 €, e dicindo que non hai cartos para outros servizos máis básicos, coma Axuda no Fogar,neste sentido seguimos pedindo se traballe en Compostaxe, para desminuir a factura de Sogama (250.000 €), así como aforro enerxético para diminuír a factura de consumo e mantemento (550.000 €).
-Melloras na recadación, Unifoz, considera que é posible recadar máis sen gravar con máis impostos aos veciños, simplemente coa aplicación máis rigorosa e xusta das ordenanzas.
-Non privatización de servizos, Unifoz, non votará a consignación presupostaría para privatizar os servizos de mantemento de xardíns, pois considera, que coa plantilla municipal, co plan de emprego, e coa colaboración do Obradoiro de Emprego, e reorganización puntual do persoal de outros servizos, hai medios suficientes para facer eses traballos.
-Inversións, Unifoz, é consciente de que hai poucas posibilidades económicas para facer inversións, pero dentro de ese marxe, é posible por anualidades facer compra adquisición de terreos dos Castros en San Martiño.
Como resumo, Unifoz, quere dicirlle ao Equipo de Goberno do PP de Foz, que si contabilizamos os ingresos pendentes por plusvalías, baixamos as festas a 40.000 €, poñemos o plan de emprego con 70.000 € de achega municipal e buscamos axudas de outras administracións, eliminamos os 36.000 € en privatizacións propostos polo Equipo de Goberno, e mantemos a cantidade en produtividade do ano pasado, xa dispoñemos para aplicar a RPT na súa totalidade.
Exposto o anterior, Unifoz, quere dicirlle ao PP de Foz, que as partidas, só son números para cadrar contas, o importante dun presuposto e ser serios e rigorosos no seu cumprimento, e en esa parte UNIFOZ, ten pouca confianza en este E.G, que pola súa falta de capacidade e organización, goberna a golpe de talonario, e cun claro interese en privatizar servizos, como o demostra haber privatizado incluso as festas do Entroido, no que se refire a organización de bailes na Sala Bahía, adxudicándollo a unha empresa, ou como haber gastado o ano pasado os 129.000 € en festas onde na partida poñía 60.000 €, así pois “¿de que nos serve que este equipo de goberno nos diga que pon en festas 50, 60 ou 40? Ao final gastan o que lles da a gana”.
Unifoz quere anunciarlle ao Equipo de Goberno do PP de Foz que non votará a favor da aprobación de ningunha factura que quedara fóra de contabilidade do ano 2012 por gastos en FESTAS, por consideralo unha irresponsabilidade do Sr Alcalde e o seu equipo.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
