Ribadeo, 21 de marzo de 2013. Mañá, venres, ás oito e media da tarde na Casa da Xuventude de Ribadeo terá lugar a segunda actividade do programa Ribadeo emprende. Coa denominación de Diálogos inspiradores os artífices de tres propostas de emprendemento que agora están en marcha en Ribadeo exporán as súas experiencias aos asistentes.
Ribadeo emprende é un programa aberto organizado polas Concellarías de Mocidade e Desenvolvemento Local de Ribadeo “e que fundamentalmente o que busca é apostar polo talento, pola innovación, pola formación e polas ideas da xente nova e non tan nova de Ribadeo, que busca nestes tempos tan difíciles e complexos para levar adiante calquera tipo de iniciativa económica maneiras novas e diferentes de sacar adiante as súas ideas para facer posible o que todos e todas queremos, que é poder vivir e traballar dignamente na nosa propia terra, no noso entorno e rodeados da xente coa que nos sentimos cómodos”, explica Xavier Campos, concelleiro de Mocidade.
O edil nacionalista sinalou que “neste caso vai ter lugar a segunda actividade, que leva o nome de Diálogos inspiradores e que consiste basicamente na explicación por parte dos seus protagonistas de tres propostas de emprendemento que agora mesmo están xa en marcha en Ribadeo. A primeira delas é a proposta do colectivo O Formigueiro, unha iniciativa de cooperativismo social que está desde hai un mes e medio intentando levar adiante en Ribadeo diferentes iniciativas de formación orientadas á creación de emprego por parte de persoas que agora mesmo están en situación de paro, de desemprego, e que para iso están colectivamente traballando na busca de saídas laborais desde un visión diferente, social”.
Xavier Campos seguiu a relatar que “estará tamén a proposta Mau Marela, un espazo de aprendizaxe e de creatividade pedagóxica que está asociada ao espazo da Casa das Letras de Ribadeo e que leva unhas poucas semanas funcionando de forma tamén cooperativa entre diferentes profesionais da pedagoxía, da psicoloxía e doutras disciplinas e que unen o seu talentos e as súas forzas para sacar adiante esta iniciativa. E por último a empresa Mimadrinha, que é unha iniciativa que parte do talento artístico, neste caso, e que se orienta á actividade comercial”.
O concelleiro de Mocidade engadiu que “as persoas destas tres iniciativas (de Mimadrinha, de Mau Marela e de O Formigueiro) estarán con todos aqueles mozos e mozas que se queiran achegar á Casa da Xuventude ás oito e media da tarde de mañá, venres, para contrastar con eles cales son as súas formas de funcionar, de que maneira están intentando sortear a crise e saír adiante para poder vivir do que son capaces de facer, do que lle gusta e no que se senten formados”.
Desde as áreas de Desenvolvemento Local e de Mocidade “o que facemos é un convite a todas aquelas persoas que estean interesadas neste tipo de cuestións a que asistan á Casa da Xuventude a esta actividade formativa, pero tamén de contraste de opinión, de debate e de diálogos inspiradores para buscar saídas entre todos a unha situación de continuos recortes e destas políticas de austeridade que padece o pobo a costa de que despois vexamos que enriquecen aos poderosos, aos ricos. Temos que buscar saídas e seguramente camiños alternativos nunha época tan convulsa como a que vivimos”.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
