Lugo, 20 de marzo de 2013. O delegado de Cultura e Turismo da Deputación de Lugo, o nacionalista Mario Outeiro, presentou mañá no Museo de Lugo xunto á xerente da Rede Museística, Encarna Lago, o conxunto de actividades culturais que baixo o nome de Enredarte se van desenvolver na Rede Museística durante os días de lecer da semana santa.
Tal e como destacou o delegado de Cultura e Turismo, “haberá en todos os Museos da Rede actividades culturais de todo tipo, para nenos e nenas e adultos e, coma todas as actividades da Rede, totalmente gratuítas. Sen dúbida, ademais da intención cultural de todas estas actividades e obradoiros que se plantexan, esta programación ten unha importante compoñente social á hora de axudar ás familias lucenses na conciliación da vida familiar e laboral propoñendo actividades de lecer didácticas para todos os públicos”.
Mario Outeiro explicou que “algunhas das actividades están pensadas para nenos e nenas pero tamén para os seus pais e nais, e van desde a análise da significación dos diferentes traxes tradicionais até obradoiros da técnica de stopmotion para a creación de curtametraxes audiovisuais, a sensibilización sobre os recursos marítimos ou a introdución á fotografía para reconstruír unha cámara fotográfica de materiais reciclados”.
Pola súa banda, a xerente da Rede Museística, Encarna Lago, quixo destacar que “posiblemente non haxa museo que oferte unha cantidade tan ampla de actividades en días festivos e de lecer, algo que é de agradecer tamén a que o fai posible”.
En concreto, no Museo de Lugo organizaranse os obradoiros:
-Traxes de papel: 25 de marzo de 11:30 a 13:30h. para nenos e nenas de 8 a 12 anos no que descubrirán o papel da indumentaria como espello da cultura e a sociedade.
-Trocamos cultura, cambiamos de traxe: 25 e 26 de marzo de 11:30 a 13:30h para adultos e adolescentes, unha actividade multicultural de integración, intercambio e divulgación entre a cultura galega e outras culturas que conviven connosco a través das tradicións e traxes tradicionais.
-Obradoiro de stopmotion: 26 e 27 de marzo de 11:30 a 13:30h. para nenos/as de 8 a 15 anos, sobre a creación de audiovisuais mediante a técnica de animación de stopmotion.
-Sinais na pedra, dos petróglifos ás labras: 28 e 29 de marzo de 11:30 a 13:00h de 6 a 10 anos e o 30 e 31 de marzo de 11:30 a 13:00h. de 10 a 14 anos. Obradoiro de estudo e recreación da técnica para elaborar petróglifos.
Museo do Mar de San Cibrao:
-Peque-fotógrafos: 26 de marzo de 11:30 a 13:00h. para familias con nenos de 4 a 12 anos no que con materiais reciclados e témperas se recrea unha cámara fotográfica e se debuxa un negativo no que cadaquén contará unha historia imaxinada a través das salas do museo.
-Arriba periscopio: 29 de marzo de 11:30 a 13:00 h. para familias con nenos de 8 a 12 anos. Creación dun periscopio para analizar a través del as criaturas que habitan o mar e concienciar sobre a importancia de coidar o medio mariño.
Pazo de Tor:
-Obradoiro de stopmotion: 26 e 27 de marzo de 17 a 18:30 horas. Nenos e nenas de 8 a 15 anos.
-Contamos coa túa ollada: 31 de marzo a partires das 11:00 horas (3 horas aprox. de duración) para familias nas que os participantes deberán pintar o Pazo trala súa ollada ao mesmo, formando a observación, a pintura e sentimentos.
Museo fortaleza de San Paio de Narla:
-Obradoiro Peque-fotógrafos: 25 de marzo de 17 a 19:00 h. para familias con nenos de 4 a 12 anos.
– Trocamos cultura, cambiamos de traxe: 28 de marzo de 12 a 14:00 horas para adultos e adolescentes.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
