Balseiro pide a Besteiro que cese a Manuel Martínez como portavoz na Deputación porque as súas actitudes “denigran a política”

Lugo, 16 de marzo de 2013.- O secretario xeral do Partido Popular na provincia de Lugo, José Manuel Balseiro, esixiu hoxe a José Ramón Gómez Besteiro que cese a Manuel Martínez como portavoz na Deputación de Lugo xa que as súas actitudes e comportamentos “denigran á política”

O dirixente popular fixo esta petición logo de que o portavoz socialista proferise insultos, descualificacións e incorrera en continuas faltas de respecto durante a última sesión plenaria do Concello de Becerreá, onde é alcalde.

FACER DA POLÍTICA UN INSULTO

Martínez, molesto polas iniciativas que impulsa o PP en defensa dos veciños de Becerreá e moi en particular, polas que están dirixidas a dar solución á problemática urbanística que xerou o propio alcalde coa súa falta de xestión, “montou en cólera e proferiu múltiples insultos”.

“Palanganero, en alusión ao voceiro, Antonio Madarro”, “el que primero lo huele debajo del culo lo tiene”, facendo referencia a toda a bancada popular ou “las navajas de Albacete que no son de Taramundi, caga y vete” facendo referencia ao pai, falecido, dunha edil popular” foron os vocablos empregados por Martínez na sesión plenaria de onte; uns insultos que levaron aos populares a abandonar o pleno

O PSOE SE NON ACTÚA É CÓMPLICE

Balseiro sostén que unha persoa que ten estes comportamentos non e que por riba de todo non rectifica ou pide perdón, non está á altura das responsabilidades que ocupa, nin como portavoz provincial, nin como alcalde, polo que incluso reclama a Besteiro que na súa calidade de dirixente do PSOE na provincia de Lugo reclame a dimisión de Martínez.

Finalmente Balseiro dixo que manter a Manuel Martínez como o portavoz da Deputación “dana a imaxe da institución” e incluso asegurou de que non atuar estarían amparando este tipo de condutas das que todo o PSOE se converte en cómplice, ao non desautorizalas.