Xosé Lois Iglesias Pérez.- O compañeiro Carlos Louzao publicou, recentemente neste xornal, un artigo no que informaba da negativa por parte do alcalde de Xove a acatar unha orde da Xunta (do seu partido) que esixía a redución do seu salario. Pasaría de cobrar 3000 a 1700 euros mensuais. Unha negativa tan contundente, a do primeiro edil, que contrasta coa claudicación que amosa cando se trata de defender o benestar da cidadanía. Como, por exemplo, en relación ao Hospital da Costa.
Pois ben, a publicación aporta información ben interesante e merece, cando menos, unha reflexión de todas as veciñas deste Concello.
En primeiro lugar, esta controversia pública é un acto inusual dentro das filas do PP e non é para nada casual. No momento que vivimos, semella que de crise, non se producen discrepancias entre a militancia do PP ante os abusivos recortes sociais, a suba de impostos, o aumento do paro, os desafiuzamentos… Máis si cando as ordes de partido atentan contra os intereses particulares dun militante, como é o caso do noso alcalde. E como digo non é casual, pois Bárcenas –coa súa vinganza- está asentando o que xa presupoñiamos todos e todas: o Partido Popular entendido como rede clientelar, a política como medio para o beneficio proprio. Esta estrutura entra, pois, en conflito coa idea, por certo Constitucional, da política democrática, onde o pobo é quen decide e onde as institucións están ao seu servizo.
O PP de Xove, gobernando en maioría absoluta, acata e executa a política da Xunta e do Governo Central, a política do Partido Popular. Pídennos austeridade, que contribuamos con máis impostos, que aceptemos os despedimentos do Concello, que entendamos os recortes nas axudas sociais como estratexia para saír desta crise e poder volver aos tempos de bonanza anteriores. Déixenme anotar que despois desta crise virá outra –pois é parte esencial do sistema capitalista-. Que a Crise, para moitas Estafa, estámola pagando nós, mais a culpa é dos bancos e do sistema económico europeo, en xeral. E sobre todo, que non imos volver a como estabamos antes, que unha vez que privaticen a Sanidade e a Educación a volta atrás neste sistema, e con estes dirixentes, vai ser imposíbel.
Remato xa cunha serie de preguntas para a reflexión. Sendo Xove un Concello rico, sen débeda, e cunhas millonarias subvencións de Alcoa, por que permite a diminución da lei de dependencia, isto é: a suba das taxas na asistencia a domicilio para os nosos maiores? Por que permitimos que a Igrexa, coma un veciño máis, non pague o IBI? Por que se producen despedimentos no Concello atendendo á situación do momento e o alcalde non é quen de baixarse o soldo por iniciativa propia? Por que permitimos que quen nos goberna se indigne polo que lle afecta a eles e non polo que nos afecta a nós?
Reflexionemos, pois a reflexión sobre política é esencial, porque a política é -gústenos ou non- o xeito de vivir neste país e a implicación activa do pobo é necesaria. Sen un pobo activo que cuestione e aporte ideas non se pode executar democracia ningunha.
Xosé Lois Iglesias Pérez
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
