O Burela Bescados Rubén afronta un novo reto na vixésimo primeira xornada da Primeira División de Fútbol Sala ante o Colegio Arenas Gáldar, un rival directo na loita pola permanencia. Os duelos entre galegos e canarios son un clásico da LNFS e nesta ocasión decidirán quen se achega máis ao obxectivo da permanencia.
Tras unha nova sanción ó Puertollano, que supón a perda de 2 puntos, o conxunto manchega pecha a clasificación con 7 puntos, os canarios ocupan a penúltima posición con 8 puntos, mentres que o Burela Pescados Rubén é antepenúltimo con 9, sendo o equipo mellor colocado, na loita pola salvación para a recta final da competición.
Os pupilos de Juanlu afrontan o choque, sábado día 23 ás 19.30 horas (hora peninsular), coa moral e a confianza polas nubes ó plasmar a súa melloría cos puntos logrados ante o Inter e ElPozo. O técnico burelés cualifica o partido como “muy importante para nosotros y vital para el Gáldar ya que gracias a los puntos logrados hemos invertido la situación clasificatoria. El Gáldar afronta el partido con mayor presión ya que el calendario no le es favorable. Será un partido de máxima tensión y tenemos que confirmar nuestra progresión”. Debemos evadirnos de la presión y jugar con confianza. Ahora no vale simplemente con dar buena imagen, vamos convencidos para conquistar los tres puntos.”
Ademais, nas filas canarias, os bureleses reencontraranse con André, ex xogador do conxunto laranxa.
Convocatoria: Edu, Iago Barro, Enrique, Christian, Iago Míguez, Juanma, Cesinha, Mimi, Isi, Hugo, Nacho e Matamoros.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
