Foz, 15 de marzo de 2013. Foz acollerá a décima edición da Ruta das Tapas os días 29 e 30 de marzo. O evento está organizado pola Asociación de Comerciantes, Industriais e Autónomos de Foz e conta coa colaboración, entre outros, do Concello e da Deputación de Lugo.
Serán máis de 20 os bares, mesóns e restaurantes, que durante dous días ofrecerán auténticas exquisiteces da cociña en miniatura ao prezo dun 1 euro a tapa. Os locais participantes son: A Funcional, A Maseira, A Rula, A Viña, O Chícaro, O Pelolo, Oiche, Dallas, Express, Happy Days, Anduriña, Xoyma, Casa da Roxa, Fraggle Rock, Leytón, O Tangarte, Xoiña (pizzería), Costumes do Mar, Dandy, O Lar, O Mar, O Tangarte Mariñeiro e Portochico.
O presidente de ACIA Foz, José Carlos Paleo, indica que “queremos ofrecerlles aos nosos veciños e veciñas e aos que se achegarán a disfrutar da Semana Santa á Mariña, a San Martiño, a Viveiro… unha oferta máis para eses días. A Ruta das Tapas foise consolidando pouco a pouco, cumpre dez anos, e agora xa é un clásico destas datas na nosa vila”.
Paleo engade que “os locais participantes ofrecerán as mellores e máis orixinais propostas para facer as delicias da súa clientela”. O horario no que servirán as tapas será de 13 a 15 horas polas mañás e de 20 a 23 horas polas noites. Un xurado profesional elixirá as tres mellores tapas. Os premios aos gañadores entregaranse na cea do 25 aniversario de ACIA Foz que terá lugar o vindeiro 25 de abril.
Día do pai
A Asociación de Comerciantes, Industriais e Autónomos de Foz anima ademais “a facer as compras para o día do pai e para San Xosé no comercio tradicional de Foz. Na nosa vila poderán atopar todo o que precisan para agasallar aos Pepes e Pepitas e tamén aos pais”. E lembra que “os que realicen as súas compras coa tarxeta do comercio de Foz poderán participar en sorteos e promocións ao longo de todo o ano. Facerse con elas é gratis”.
Ruta dos viños
Ata o 23 de marzo segue tamén en Foz a segunda edición da Ruta dos Viños na que están a participar 29 establecementos hostaleiros focenses. Entre os clientes que selen a tarxeta en tódolos locais sortearanse varios premios: o primeiro é de 300 euros en vales de compra e diploma de “Ruteiro Maior”, ao segundo corresponderanlle 150 euros en vales de compra e haberá 4 premios de 100 euros cada un en vales de compra para utilizar nos establecementos participantes.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
