O Burela FS apuntou maneiras ante o intratable Barcelona Alusport

MERITORIA SEGUNDA PARTE DOS LARANXAS ANTE O CAMPIÓN DE ESPAÑA (2-7)

Vista Alegre viviu un espectáculo dentro e fóra da pista. Con cheo histórico nas gradas, o Burela FS Pescados Rubén de Juanlu apuntou maneiras ante o FC Barceona FS Alusport (2-7), nunha cita na que os locais foron de menos a máis, cunha meritoria segunda parte na que puideron xerar perigo e mitigar o tsunami do líder.
O tres veces campión da Copa de España chegou a Burela para non especular. Coa serenidade dos grandes conseguiu colocarse 0-2 xa antes de cumprirse o minuto 3 de xogo, con doblete de Wilde, nun rechace (minuto 1) e ó revolverse dentro da área laranxa (minuto 2). Esta desvantaxe pesoulles en exceso aos burelistas, moi cautos en ataque e con certos desaxustes comunicativos. Edu tivo a portería moi activa; no 13, puido desbaratar unha gran ocasión dos blaugranas, pero poucos segundos despois Fernandao antou o 0-3, aproveitando un saque de esquina na área laranxa; o 0-4, un minuto máis tarde, chegou tamén desde a esquina, empuxando Eric Martel ó segundo pau. Co paso dos minutos os mariñáns puideron achegarse á meta de Cristian, aínda que con imprecisións. As ocasións máis claras para os burelistas protagonizounas o vivairense Christian, pola banda, nos minutos 10 e 17. No 18, os cataláns, subiron o 0-5 cun dobre penalti de Sergio Lozano, ante o que Edu non puido facer nada.

O descanso proporcionou ó Burela FS Pescados Rubén aire fresco, ideas, garra e intensidade. Con máis perigo, avisou Iago Míguez no minuto 22, cun mísil que superou a Cristian pero interpúxoselle o pau, e despois Cesinha. Foi precisamente o brasileiro o que asistiu ó burelés un minuto máis tarde para subir o 1-5 ó electrónico. Máis acertados en ataque, os mariñáns adiantaron as súas filas, incluso provocando certo erros dos barceloneses. Non obstante, a perfección visitante volveu a deixar huella, tras un saque de esquina no que Wilde cedeu o balón a Torras para marcar o 1-6 por encima de Edu (minuto 26). Os burelistas lanzáronse a por un novo gol; as tentativas de Hugo e Iago Míguez, rondando o ecuador, desencadearon na pegada de Matamoros, cunha volea tras saque de esquina. Era o 2-6 e os galegos estaban máis enchufados que nunca; puideron reducir distancias no 30, nunha serie de rechaces nas que o esférico se desesperou contra os paus e entón chegou de novo o toque goleador do Barcelona, con 2-7 (minuto 33) de Gabriel nunha xogada de estratexia, tras falta ó borde da área local. Na recta final a defensa laranxa e Edu conseguiron frear a avalancha blaugrana con Fernandao como artillería na primeira liña.

Homenaxe ó deportivista Fran
A cita de Vista Alegre contou cun invitado de luxo nas gradas, o exdeportivista internacional Fran González, que foi nomeado socio de honra do club laranxa e realizou o saque de honor do encontro.

Ficha técnica

Burela FS Pescados Rubén: Edu, Mimi, Iago Míguez, Juanma e Matamoros, no cinco inicial; tamén xogaron Hugo, Cesinha, Isi, Christian

FC Barcelona Alusport: Cristian, Wilde, Aicardo, Torras y Lin, no cinco inicial; tamén xogaron Fernandao, Gabriel, Sergio Lozano, Saad, Eric Martel, Tolrá

Goles: 0-1, minuto 1, Wilde; 0-2, minuto 2, Wilde; 0-3, minuto 13, Fernandao; 0-4, minuto 14, Eric Martel; 0-5, minuto 18, Sergio Lozano (d.p.), 1-5, minuto 23, Iago Míguez; 1-6, minuto 26, Torras; 2-6, minuto 29, Matamoros; 2-7, minuto 33, Gabriel.

Árbitros: Carlos del Pozo y Abel López (Madrid)

Tarxetas: Por Burela FS a Cesinha (minuto 8), Mimi (minuto 13)

Incidencias: Partido correspondente á 18ª xornada de Primeira División, en Vista Alegre; realizou el saque de honor o exfutbolista internacional do RC Deportivo de La Coruña, Fran González. Máis de 1400 espectadores, venta de entradas esgotada.