Lugo, 15-03-2013 – O Grupo Provincial do Partido Popular informa de que a Deputación de Lugo deixa sen cubrir o 75% do Servizo de Axuda no Fogar. Os populares lembran que foi a propia Vicepresidencia da Deputación quen fixo público o custe do servizo en 2012, superior aos 2,5 millóns. Polo tanto, unha cifra moi inferior a contía subvencionada polo ente provincial.
Os populares lamentan esta actitude do presidente da Deputación Provincial de Lugo, José Ramón Gómez Besteiro, que non cumpre co decreto que regula os servizos sociais e que desenvolve a lei aprobada en época do bipartito na Xunta de Galicia. Desta forma, os socialistas e nacionalistas na Deputación incumpren coas súas competencias e non dan resposta as necesidades dos lucenses.
O Grupo Provincial do Partido Popular presentou unha reclamación aos orzamentos do 2013 dado a insuficiencia de crédito consignada na partida de acción social. Unha alegacións que, segundo informan os populares, foron desatendidas e rexeitadas e probablemente nin valoradas en profundidade. Os populares tachan esta actitude de “inadmisible sabendo que pola vía do consenso e do traballo conxunto poderiamos cumprir a normativa e satisfacer as necesidades dos lucenses”.
Unha vez máis, o Grupo Provincial do Partido Popular vese na obriga de denunciar a pouca colaboración de Gómez Besteiro cos concellos da provincia; así como a pouca preocupación por garantir os servizos sociais e dar resolución as demandas dos lucenses.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
