APROBADA UNHA MOCIÓN DO EQUIPO DE GOBERNO SOBRE O HOSPITAL DA COSTA. GONZÁLEZ BARCIA CONSIDERA QUE “QUEDA BASTANTE CLARO QUEN DEFENDE ESTE CENTRO E QUEN ESTÁ POR MONTAR LIORTAS EXCLUSIVAMENTE POLÍTICAS”.
Burela, 21 de marzo de 2013. No pleno celebrado no Concello de Burela aprobouse unha moción presentada polo equipo de goberno sobre o Hospital da Costa e tamén o anteproxecto para o encauzamento do río Perdouro. O alcalde, José Mª González Barcia, cuestiona a actitude do PSOE nestes dous asuntos.
O rexedor contou que “no pleno celebrado hoxe pola mañá aquí, en Burela, foi aprobada unha moción do grupo municipal do Partido Popular en relación co Hospital da Costa. Para que non quede dúbida do texto da moción, esta di claramente o seguinte, que os acordos que se adoptan son: primeiro, garantir a continuidade dos servizos, unidades e consultas existentes no Hospital da Costa, de Burela, e incluso desenvolver cantas xestións e esforzos sexan necesarios para incrementalos e potenciar a súa calidade asistencial; no segundo punto nós pedimos que non se modifique o actual mapa sanitario do Sistema Público de Saúde na provincia de Lugo, de tal xeito que se manteña a área sanitaria da Mariña e incluso reforzala, xa que logo o xerente executivo desta área terá baixo a súa responsabilidade non só o centro hospitalario senón tamén os centros de atención primaria da área; e terceiro, levar adiante de inmediato a ampliación do Hospital da Costa co fin de adaptalo á actual demanda asistencial, á mellor prestación para os pacientes e á realización do traballo dos profesionais con seguridade e calidade”. Para González Barcia “isto demostra claramente o compromiso que o Partido Popular de Burela, que o Partido Popular da Mariña, en definitiva o Partido Popular de Galicia, ten co Hospital da Costa”.
Ao alcalde burelés resúltalle chocante que “o Partido Socialista votase en contra desta moción no pleno do Concello de Burela, onde tamén hai uns meses votou en contra do plan xeral de ordenación municipal onde se planifica a ampliación do Hospital da Costa. Co cal eu creo persoalmente que queda bastante claro quen defende o hospital e quen está por defender outras cuestións ou quen está por montar liortas de forma exclusivamente política”.
Río Perdouro
Na sesión plenaria desta mañá tamén se aprobou, “iso si, cos votos exclusivamente do Partido Popular, o anteproxecto de encauzamento do río Perdouro. E resulta ata certo punto absurda a postura adoptada polo Partido Socialista, que se abstivo na votación deste anteproxecto, que evidentemente, como moitas cousas, é o inicio do camiño que vai permitir no seu día, cando esta obra sexa realizable, unir a zona do Perdouro coa da gardería, encauzando o río Perdouro. Pois estes señores abstéñense e acúsannos de que non somos capaces de planificar o futuro de Burela. Pois mire, nosoutros estamos precisamente sentando as bases para planificar o futuro de Burela e alguén ten que arrancar. Seguramente esta obra non se vai facer nin en dous nin en tres anos nin, ao mellor, nin en cinco nin en seis, pero é certo e evidente que se non nos poñemos con ela loxicamente non se fará nunca”. José María González Barcia lembrou que “cando no seu día algún responsable político pensou en, por exemplo, canalizar o río Burela alguén lle chamou tolo. Hoxe esta canalización é unha realidade e permitiu que Burela sexa o que é. E tamén cando no seu día algún político pensou en facer o ensanche de Burela, é dicir toda a urbanización das rúas novas, hai aproximadamente 45 anos, alguén tamén lle chamou tolo a aquela persoa por pensar que iso era factible. Hoxe en día tanto unha actuación, a canalización do río de Burela, como a outra, o ensanche de Burela e as rúas novas, son unha realidade e permitiron que Burela sexa o que é”.
O alcalde sinalou que “en definitiva, nosoutros estamos por sacar adiante ou por planificar proxectos que o día de mañá sexan realizables e que sirvan para garantir precisamente o desenvolvemento do noso pobo. E o encauzamento do río Perdouro aparece no plan xeral de ordenación municipal de Burela, que foi aprobado inicialmente hai algo máis dun ano e que conta co informe favorable de Augas de Galicia. Resulta realmente sorprendente que o Partido Socialista, unha vez máis, se preocupe de faroliñas, das flores e de cousas que o único que pretenden é precisamente esquecernos do esencial, que é planificar o futuro do noso concello e sentar as bases para que corporacións futuras leven adiante esas actuacións e para que, en definitiva, poidamos asentar aquí poboación e postos de traballo”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
