Santiago de Compostela, 21 de marzo de 13. O portavoz de Pesca do Grupo Socialista, José Ramón Val, reclamoulle hoxe á Xunta que “mova ficha” para garantir a continuidade da actividade de Ence Navia no porto de Mirasol, en Ribadeo. Val presentou unha pregunta na Comisión de Pesca logo do anuncio da empresa de trasladar a saída da súa produción de pasta de papel ao porto de Musel, en Xixón, a partires de xuño.
O responsable socialista advertiulle hoxe ao goberno galego que “os socialistas galegos permaneceremos vixilantes” para que a Xunta responda do seu compromiso coa continuidade da actividade da empresa neste porto.
Val reclamoulle ao goberno galego que garanta que o porto mariñán “se manteña como mínimo ata agora” para rendibilizar o investimento de 1,8 millóns de euros para o dragado da canle de acceso e a ampliación da dársena de amarre. Esta actuación foi asumida pola Xunta con motivo do acordo coa empresa, que se comprometía a mover a través deste porto 1,5 millóns de toneladas de papel.
Lembrou que a empresa ten anunciado o traslado tráfico de pasta de papel ao porto asturiano de Musel, malia que Ribadeo posúe “claras vantaxes competitivas”, como é menor manipulación ou menos espera de carga. Esixiulle á Xunta que poña en valor as vantaxes do porto mariñán para antepoñelo aos intereses económicos da empresa en Asturias.
Segundo porto
O parlamentario socialista instou ao goberno galego a defender a este porto que, grazas ao acordo coa pasteira, actualmente é o segundo porto de titularidade autonómica galega que move un maior volume de mercadorías dun total de 122. Reclamoulle á Xunta que “responda aos transportistas, os estibadores e todos os axentes da Mariña implicados e que agardan as accións da Xunta para garantir a continuidade desta actividade”.
Salientou a importancia do tráfico comercial do porto tanto para Ribadeo como para a comarca da Mariña, “unha comarca sacudida fortemente polas cifras do paro e na que tan só o anuncio da posible perda desta actividade ten provocado unha gran alarma social” tanto nos traballadores directos como indirectos que rodean ao porto.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
