Burela, 21 de marzo de 2013.- Alcaldes, portavoces locais e concelleiros do Partido Popular da Mariña participaron hoxe nunha xornada informativa en relación co modelo de xestión integrada das tres áreas sanitarias lucenses que o Consello da Xunta vén de aprobar esta mañá co propósito de mellorar a atención sanitaria que se presta aos cidadáns da comarca. O encontro, presidido polo secretario xeral dos populares lucenses, José Manuel Balseiro, contou coa presenza do portavoz de Sanidade do Grupo Parlamentario Popular, o doutor Miguel Santalices quen logo de explicar as vantaxes deste novo modelo resolveu cantas dúbidas puideron suscitarse.
MENOS DESPRAZAMENTOS, MELLOR ATENCIÓN
Os representantes populares pecharon filas á hora de deixar claro á cidadanía que lonxe de desaparecer o empeorar os servizos do Hospital da Costa estes se verán mellorados. De feito, o Hospital de Costa se reforza, blindando as consultas e especialidades que existen na actualidade –ningunha delas se perderá- e incluso coa posibilidade de albergar novos servizos como os de oncoloxía ou cirurxía vascular.
Por outra banda negaron que o novo modelo supoña que a xestión do Hospital dependa de Lugo, como antes tampouco dependiamos de Santiago. De feito, o Hospital da Costa seguirá mantendo ao fronte do mesmo un xerente executivo, que xestionará un orzamento propio e verá ampliadas as súas competencias: pois ademais de dirixir o centro hospitalario farao tamén sobre todos os centros de saúde da comarca.
PSOE E BNG OS PEORES INIMIGOS DO HOSPITAL
Os populares foron especialmente críticos co papel de manipulación e confusión interesada que fan desde o PSOE e o BNG e as plataformas que a través de distintos cargos políticos controlan. Dixo que os peores inimigos do Hospital son aqueles que durante o bipartito non investiron un só euro en melloras e agora actúan con demagoxia. Lembrou ademais que os que hoxe queren abrazalo, o asfixiaron desde o goberno e foron incapaces nin tan sequera de acelerar as obras pendentes.
A AMPLIACIÓN NO DIARIO OFICIAL DE GALICIA
O Partido Popular en tempo de crise realizará a ampliación integral do Hospital da Costa. Sinalaron que, por primeira vez na súa historia esta frase non é un compromiso electoral senón un feito, que deu inicio nas pasadas datas coa licitación do Plan Director, do documento que dirá como vamos a ampliar este centro e coa publicación desta no Diario Oficial de Galicia.
CHAMAMENTO Á CONFIANZA DA CIDADANÍA
“Os veciños da Mariña teñen que saber: Que nin se pechará o Hospital, nin haberá máis traslados ata Lugo, nin deixará de ser o centro de referencia para atender a todas as persoas que teñan problemas de saúde. Ao contrario, manteranse os servizos de neonatais e todas as especialidades. Non é lóxico que sigan enganando. O tempo dará ou quitará razóns”- concluíron os relatores.
O PP NON ESTÁ SOLO: É A FORZA MÁIS VOTADA DA MARIÑA
O Partido Popular da Mariña é a primeira forza política da comarca, feito que puido reflectirse en todos os últimos procesos electorais. A nivel local gañou en 14 dos 16 concellos da nosa comarca –incluíndo Riotorto-. Os populares teñen, polo tanto, máis votos e máis alcaldes, pero tamén máis concelleiros na Mariña ao incrementarse a cifra en 92 edís, seis máis que no 2007 e subir máis dun 10% de sufraxios. Con este aval sinalan que serán os primeiros en defender sempre o Hospital e non consentir nunca un retroceso.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
