O PP de Viveiro esixe ó goberno municipal que solucione problemas medioambientais e de suciedade debidas a unha obra paralizada no barrio do Pedregal, en Covas

O PP de Viveiro faise eco, unha vez máis, das demandas dos veciños do barrio do Pedregal, así como da Rúa Emilio Bouza Basanta da parroquia de San Xoán de Covas sobre a situación que viven como consecuencia da maleza, ratas e residuos de diversa índole cerca dos contedores do lixo ou das fincas próximas, do que o alcalde ten testemuño por parte dos veciños do barrio e a rúa en cuestión. O rexedor é coñecedor, polo tanto, da situación e da situación actual da obra da empresa Os Molineros que está paralizada dende fai tempo e en cuxo recinto hai augas estancas que inunda no baleirado previo a unha construción con mal olor e plaga de mosquitos que parecen desprenderse desas augas.

O grupo popular xa realizou un rogo á alcaldía no pleno do 25 de maio do 2009 sobre esta mesma situación que co paso do tempo evidencia a deixadez e o abandono do goberno local, que lonxe de plantexar unha solución ás demandas veciñais e requirir a quen incorre en irregularidades trata de eludir as súas responsabilidades segundo os propios veciños, afirma o popular Celestino García.

O PP de Viveiro quere facer fincapé na falta de medidas de seguridade no peche desta obra motivada polo cese de actividade, xa que dito peche cremos que non reúne a seguridade suficiente para evitar riscos innecesarios.

Por todo isto, os populares solicitan do goberno local que tome as medidas medioambientais e de seguridade e que subsane canto antes a situación como demandan os veciños do barrio do Pedregal e a rúa Emilio Bouza da parroquia de San Xoán de Covas.