“Nos últimos tempos estamos asistindo a un auténtico desmantelamento dos servizos públicos na comarca da Mariña Lucense por parte dos Gobernos do Partido Popular”, segundo critican dende o grupo municipal socialista de Foz.
“En primeiro termo, coa inminente supresión da área sanitaria norte por parte da Xunta de Galicia, a través da imposición dunha xestión integrada provincial, que se traducirá na conseguinte perda de servizos sanitarios e da calidade asistencial”, explican.
E, por se fora pouco, enganden os socialistas “nos últimos días vimos de coñecer a través da prensa que o Goberno Central rebaixa a categoría da Oficina de Facenda de Foz, e que, a partir de agora, só exercerá funcións de información e asistencia”.
Dende o Grupo Municipal Socialista de Foz consideran “gravísima a situación de retroceso e supresión de servizos públicos que na comarca da Mariña estamos a sufrir, e, sobre todo, consideramos lamentable a forma de actuar dos Gobernos do Partido Popular, dende a sombra e totalmente ás costas da veciñanza”.
Por este motivo, os concelleiros do PSdeG- PSOE de Foz presentan unha Moción dirixida a instar ao Executivo Central ao mantemento da categoría e dos servizos que actualmente viña prestando a Oficina da Axencia Tributaria de Foz, coa finalidade de evitar que os veciños, tanto do noso Concello como da Mariña en xeral, teñan que desprazarse a Lugo para realizar calquera tipo de xestión tributaria que ata agora podían facer en Foz.
Na mesma liña, dende o Grupo Municipal Socialista focense queren instar ao Alcalde e ao Equipo de Goberno a que se pronuncien en relación a este asunto, e a que por unha vez fagan unha excepción e poñan os intereses dos veciños por riba das directrices do seu partido. Neste senso, tamén requerin ao rexedor que, “con carácter urxente, expoña aos grupos políticos con representación na Corporación a información da que dispón ao respecto da rebaixa de categoría da citada Oficina da Axencia Tributaria de Foz e da supresión da maioría dos servizos que presta, pois os concelleiros do Grupo Socialista estamos fartos das operacións de recorte de dereitos que o Partido Popular está a levar a cabo dende a sombra, e de ter que enterarnos pola prensa de asuntos que afectan tan gravemente aos intereses dos veciños de Foz”.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
