Antonio Veiga afirmou que “o PP empéñase en crear cidadáns de segunda nas comarcas da Mariña e Monforte, afastando servizos básicos e desmantelando a sanidade”
“O PP estase enfrontando ao pobo, que lle contesta cada día na rúa, ao executar constantemente políticas centralizadoras e discriminatorias co rural baixo o amparo dunha falsa austeridade” – sentenciou Veiga
Antonio Veiga manifestou o apoio á reivindicación de mañá no Hospital de Burela unha vez máis na que simbolicamente abrazará a xente da mariña
Lugo, 22 de marzo 2013. O vicepresidente da Deputación de Lugo, o nacionalista Antonio Veiga, afirmou esta mañá na rolda de prensa trala Xunta de Goberno da institución que “o PP está a afastar da cidadanía servizos esenciais coa súa política centralizadora, creando cidadáns de segunda nas comarcas da Mariña e Monforte. Con cada decisión o PP estase enfrontando ao pobo, que lle contesta cada día na rúa, ao executar constantemente políticas centralizadoras e discriminatorias co rural baixo o amparo dunha falsa austeridade. Sábado pasado saíron á rúa 9.000 persoas en Monforte para reclamar ao goberno galego que manteña as actuais áreas sanitarias e non centralice en Lugo un servizo tan elemental como a saúde, creando un agravio na atención sanitaria para a xente das comarcas do sur e da Mariña. Feijóo debería escoitar esas nove mil persoas que contan con nove mil razóns para defender a sanidade pública, e debería cumprir a súa palabra cando dixo en campaña electoral que os hospitais de Monforte e Burela non dependerían de Lugo” (Veiga mostrou panfletos repartidos polo PP na comarca da Mariña nos que se citaban frases textuais de Núñez Feijóo afirmando que o hospital de Burela tería sempre plena autonomía na xestión dos servizos e recursos).
Para Veiga, “outro tanto está a pasar coa polémica xerada esta semana co que todo indica que será o peche das oficinas da Axencia Tributaria de Foz e Monforte, ás que nun primeiro paso se lle rebaixou a categoría quedando meramente como oficinas de información. Desde a propia Axencia Tributaria afirman que a reordenación á que se ven sometidas as oficinas provocará que para moitas xestións as persoas teñan que desprazarse da Mariña e de Monforte a Lugo, co consecuente trastorno persoal, familiar, laboral e económico. Unha vez máis vemos como a política do PP evidencia os seus intereses centralizadores, negándolle á cidadanía das comarcas do rural uns servizos que tiveron até o de agora e desprezando claramente a unhas poboacións fronte a outras”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
