A Plataforma na Defensa da Sanidade Pública da Mariña acusou ao goberno popular de enganar e mentir á cidadanía cando aseguraba por medio do seu presidente e a Consellaría de Sanidade en actos públicos e na sede do Parlamento Galego que a Mariña mantería a súa autonomía de xestión, lembraron que foron o Presidente Feijóo e a anterior Conselleira quen comprometeron a “total autonomía de xestión do xerente do Hospital da costa sobre “todos os recursos humanos, económicos, infraestruturas e prestación de servizos do Hospital da Costa e os centros de saúde da área” nun argumento que foi repetido ate a saciedade por alcaldes e dirixentes do Partido Popular que se demostra rotundamente falso con so revisar os orzamentos da Xunta de 2013 onde o Hospital da Costa recolle orzamento propio en gasto corrente e investimento real que desaparecerá no 2014 para quedar absorbido pola xerencia de atención integrada de Lugo, Monforte e A Mariña con dirección en Lugo, exactamente o mesmo que xa sucedeu coas áreas do Barco e O Salnés que pasaron a depender de Ourense e Pontevedra e xa sufriron as consecuencias con perdas de facultativos e servizos. Fan un chamamento a participar na concentración “abraza o teu hospital” mañá sábado ás 12:30 no Hospital da Costa”.
COA APROBACIÓN ONTE DO DECRETO DE XESTIÓN INTEGRADA A XUNTA CERTIFICA O ENGANO MASIVO DO GOBERNO GALEGO E OS DIRIXENTES E ALCALDES DO PP Á COMARCA DA MARIÑA.
A Plataforma valorou a aprobación onte polo Consello da Xunta do Decreto de Xestión Integrada para A Mariña, Monforte e Lugo como “a certificación do engano masivo ao que nos someteron durante os últimos dous anos tanto o goberno galego como os dirixentes e alcaldes do Partido Popular na comarca”. Cando fai dous anos o Presidente e a Conselleira de Sanidade comprometían “a total autonomía de xestión do xerente do Hospital da costa sobre “todos os recursos humanos, económicos, infraestruturas e prestación de servizos do Hospital da Costa e os centros de saúde da área” estaban mentindo como se demostra agora coa aprobación do decreto que transfire a un xerente provincia situado en Lugo toda a xestión sanitaria da provincia convertendo aos xerentes dos hospitais da Costa e Monforte en simples executores das ordes emanadas da nova xerencia provincial.
É absurdo e desesperante ver como os mesmos alcaldes e dirixentes populares encabezados polo Secretario Provincial do PP, Sr. Balseiro, continúan tratando de confundir coas mesmas mentiras despois de ver como a prometida autonomía quedou en papel mollado coa aprobación do decreto. En 2010 repartían un panfleto asegurando autonomía de xestión e mentiron, hoxe continúan na mesma liña.
OS ORZAMENTOS DA XUNTA DE 2013 SON CLAROS EN CANTO Á PERDA DE AUTONOMÍA ORZAMENTARIA DAS ÁREAS QUE DESAPARECEN A FAVOR DA XERENCIA INTEGRADA.
Dende a Plataforma convidaron a calquera con interese que revisen os orzamentos da Xunta de 2013 para verificar os seus argumentos, nesa documentación aparecen claramente recollidas partidas económicas para gastos correntes e investimento real para o hospital da Costa que desaparecerán en 2014 para quedar integrados no orzamento da área de Xestión Integrada de Lugo, Monforte e A Mariña cun xerente provincial que dende Lugo decidirá sobre os recursos económicos, persoal, infraestruturas e prestación de servizos de toda a provincia como xa sucede coas áreas do Barco ou o Salnés por poñer dous exemplos que xa viron reducidos os seus servizos e facultativos tanto nos hospitais como nos centros de saúde asociados.
Na Mariña sucederá o mesmo que xa se está executando no Salnés ou no Barco, médicos especialistas van a pasar consulta “só para primeiras citas, no resto do tratamento os pacientes vense obrigados a desprazarse a Ourense para continuar cos seus tratamentos”, ese é o destino do hospital da Costa con este Decreto, “convertelo nun ambulatorio grande e baleiralo de servizos nunha folla de ruta que o PP galego segue ao ditado do modelo madrileño”.
Por último fan un chamamento a participar na concentración convocada para mañá sábado ás 12:30 no Hospital da Costa para demostrar que na Mariña non imos estar calad@s diante do desmantelamento dos servizos sanitarios públicos na comarca.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
