A Plataforma de Afectados polos Abusos do Mercado Eléctrico denuncia que a Delegación Territorial da Xunta en Lugo é incapaz de facer cumprir as normativas do director xeral de Industria.
Un veciño de San Cibrao pasou dous meses sen subministro eléctrico debido a un corte irregular efectuado por Gas Natural SUR o 19 de febreiro de 2013. A este usuario cortóuselle o subministro debido a unha débeda existente que en ningún momento se reclamou de forma fehaciente ó usuario tal e como estable a normativa. A pesar de que o usuario presentou reclamación o día 25 de febreiro na Delegación Territorial de Lugo e pese a que unha instrución de 5 de novembro de 2012 do director xeral de Industria da Xunta recolle claramente este caso e establece que se lle debe de restablecer inmediatamente o subministro, dita reconexión non se efectuou ata o día 19 de abril de 2013 e a través doutro cauce.
Dáse a particulariedade de que neste caso se solicitou a baixa do subministro por parte de Gas Natural SUR en base á falta de pago de dúas facturas pendentes que non se notificaran ó titular. Unha vez abonadas ditas facturas, Gas Natural négase a repoñer o subministro debido a que agora reclama unha factura anterior, da cal tampouco se tiña coñecemento e da que non informou nun primeiro momento a Industria. O usuario tivo ademais que esperar máis de 10 días a que Gas Natural SUR lle enviase dita factura con código de barras para poder abonar a débeda, factura que nunca chegou. Finalmente a través da plataforma conseguiuse que puidese abonar dita cantidade sen a mencionada factura física. Pese a todo isto e a pesar de non ter xa débeda algunha coa compañía este cliente tivo que solicitar un alta nova, co conseguinte desembolso a maiores, cercano aos 90 euros, e os cinco días máis de atraso establecidos para elo.
Desde a plataforma critican novamente a incapacidade por parte da Delegación de Industria para facer valer os dereitos dos usuarios e obrigar ás comercializadoras a cumprir coa normativa e impedir, cortes de subministro irregulares. A instrución do director xeral de Industria da Xunta establece claramente que cando se produce unha reclamación por un corte de subministro e a compañía non presenta no mesmo día xustificante de previo aviso ó consumidor, débese proceder de inmediato á reconexión do subministro. Neste caso Gas Natural SUR non aportou dito xustificante á delegación de Industria de Lugo, limitándose a comunicar que si foran enviados sen presentar proba de elo.
Como consecuencia, unha familia de seis membros tivo que sobrevivir sen subministro eléctrico durante máis de dous meses. Fontes da Consellería de Industria confirmaron que esta reclamación seguramente acabe cun expediente sancionador cara a compañía unha vez que poidan comprobar se realmente existiu ou no notificación fehaciente do corte, o que amosa unha vez máis que dita xustificación non foi entregada pola compañía á Delegació Territorial de Lugo.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
