Un operario da empresa subcontratada por Begasa para a substitución de contadores analóxicos por contadores dixitais que está actuando estes días en Barreiros foi denunciado ante a Garda Civil por insultos e ameazas a unha veciña de dita localidade.
Cando estes operarios se presentaron na casa desta veciña para realizar o cambio de contador, esta negouse ao cambio, xa que non traían a documentación dos mesmos e, polo tanto, non podían certificar que dito equipo cumprise coa normativa vixente, o cal é responsabilidade do titular do subministro. Ante dita negativa este operario empezou a berrar á usuaria chamándoa de forma despectiva “bloquera” ou “hippie” recomendándolle que deixase de fumar “esa marihuana que lle fai moi mal”, chamándoa tonta e ameazándoa con posibles represalias se non se producía a substitución.
A plataforma recorda que o titular do subministro ten, ademais, a opción de negarse ao cambio e instalar un contador en propiedade antes do 31 de decembro de 2018. Recorda tamén que ningunha persoa, nin sequera pertencente á distribuidora, pode manipular o contador sen a autorización do propietario.
Esta denuncia ante a Garda Civil pon o colofón ás denuncias que se estaban realizando desde a plataforma e nas que se denunciaban as malas formas destes operarios e a impunidade coa que entraban na propiedade privada e manipulaban os equipos sen autorización, chegando incluso a cambialos a pesar da negativa expresa do titular.
Non deixa de chamarnos a atención a forma de insultar deste operario, membro de BEGASA a todos os efectos ante o usuario, e nos preguntamos se é menos persoa por pertencer a un determinado partido político ou movemento social. Desde a plataforma denunciamos novamente estas formas impropias dunha compañía como Begasa e solicitamos que se castigue como merece a dito operario e que se revisen por parte da compañía os métodos utilizados para a substitución de ditos equipos.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
A mostra permanecerá aberta ao público ata o 4 de novembro.
