A Mariña, 30 de abril de 2013. A Plataforma na Defensa da Sanidade pública analizou os datos publicados pola Consellaría de Sanidade sobre as listas de agarda nos hospitais públicos galegos ate o 31 de marzo de 2013. O Hospital da Costa supera en 7,1 días a agarda media para cirurxía dos hospitais públicos e en 5,8 en primeiras consultas, os servizos de uroloxía e traumatoloxía soportan os datos mais altos de agarda situándose tamén nos primeiros postos de todo o sistema público. Dende a plataforma suxírenlle ao xerente do Hospital que coa constatación do colapso do hospital non chega, hai que actuar para corrixir as carencias. Dende a Plataforma fan pública a denuncia dun paciente afectado de osteoporose severa diagnosticada polos servizos de traumatoloxía que leva tres meses sen recibir o tratamento prescrito polos propios servizos de traumatoloxía cun importante deterioro da saúde que limita a súa mobilidade, engaden que o servizo de rehabilitación neste momento atende citas do mes de novembro.
A falta de espazo e persoal provocan o colapso do Hospital da Costa que volve aumentar os tempos de agarda situándose á cabeza do sistema público
Os datos oficiais de listas de agarda dos hospitais do Servizo Galego de Saúde volven situar ao Hospital da Costa nos postos mais altos do sistema superando a media dos hospitais públicos con 76,4 días por riba da media de 69,3 dos hospitais públicos en cirurxía e so superado polo CHUAC e CHUVI. O mesmo sucede coas primeiras consultas con 55,1 días de agarda, 5,8 mais da media de 49,3 do sistema. As listas de agarda en uroloxía e traumatoloxía son tamén das mais elevadas do sistema con cifras disparadas, concretan que os pacientes de traumatoloxía en Burela agardan 89,1 días só por debaixo do CHUAC da Coruña.
Dende a Plataforma responsabilizan á dirección do SERGAS dos recortes no gasto de persoal que no orzamento 2013 supuxeron unha rebaixa de 1,9 millóns de euros así como ao incumprimento reiterado dos compromisos de ampliación do presidente da Xunta e os dirixentes do Partido Popular na comarca, mais preocupados por seguir lanzando soflamas propagandísticas que por afrontar as necesidades sanitarias da comarca.
Detrás das cifras oficiais están persoas que sofren o colapso dos servizos sanitarios públicos e poñen un caso concreto da situación en traumatoloxía.
Dende a Plataforma poñen o exemplo dun paciente do servizo de traumatoloxía para facer unha denuncia da situación de colapso deste servizo e o de rehabilitación. Explican o caso dunha persoa que unha vez diagnosticada dunha osteoporose severa que leva tres meses agardando polo tratamento de rehabilitación prescrito, agravando o seu estado de saúde e limitando a súa mobilidade a pesar de terse dirixido aos servizos de atención ao paciente e á inspección médica sen que estes ofreceran ningunha solución ao seu caso, dáse a circunstancia de que o paciente xa recibiu cita para os servizos de traumatoloxía sen recibir o tratamento previo de rehabilitación prescrito polos mesmos servizos. Dende a Plataforma denuncian que este non é un caso único xa que os servizos de rehabilitación atenden neste momento citas do mes de novembro.
O doente que se puxo en contacto coa plataforma para denunciar o seu caso, demanda unha atención que permita modificar os factores que aceleran a perda de masa ósea e tratamento para evitar as fracturas, que como no seu caso, teñen unha importante diminución de masa ósea. Igualmente sinalan que a inexistencia dun programa de atención individualizado fixado polo fisiatra e o inicio dunha programación de rehabilitación en tempo axeitado non se están cumprindo cando estes tratamentos son fundamentais para a recuperación do paciente. Neste sentido demandan maior coordinación entre o hospital e os centros de saúde que ofrecen servizos de rehabilitación e advirten que a degradación do sistema público favorece a sanidade privada á que o PP, coa súa xestión, protexe e impulsa.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
