O Burela FS Pescados Rubén completou esta Semana Santa unha brillante participación no I Trofeo Kelme de Fútbol Sala Cadete Ciudad de Segovia, coándose nas semifinais e rematando en cuarta posición.
Os laranxas conseguiron o billete para a fase final como segundos do Grupo A, despois de impoñerse ao anfitrión, Caja Segovia (4-1), e Ribera Navarra (4-2) e caer por un resultado moi axustado ante CD Grucer (4-3). Nas semifinais, os mariñáns sucumbiron ante o madrileño EP Miguel Guillem Prim (6-1), que finalmente se alzou co título de campión ao derrotar ao Grucer (5-0). Na loita polo terceiro e cuarto posto, o cadro de Christian Fustes e Mario Pillado viviu un emocionante encontro ante o Rivas Atlantis (3-0), tamén da capital española.
Sarria. Na outra gran cita da base burelista durante a Pascua, na Terra Chá, os alevíns regresaron á Mariña co luminoso a favor, no amigable disputado ante o Sarria-Peña Españolista (4-3) como preludio da fase final da Copa Galicia, co título irmandiño para Azkar Lugo FS e Ponte Ourense.
Fase de grupos
CD Grucer FS 4-3 Burela FS
Burela FS 4-1 Caja Segovia
Burela FS 4-2 Ribera Navarra
Semifinais
EP Miguel Guillem Prim 6-1 Burela FS
3º e 4º posto
Rivas Atlantis 3-0 Burela FS
Afectarán aos seguintes servizos: Piscina: pechada. Duchas dos vestiarios: pechadas. Ximnasio e actividades en seco: abertos no horario habitual. O Concello agradece a comprensión da cidadanía.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
