“A sanidade da Mariña vai retroceder vinte anos coa decisión do PP”
Foz a 10 de abril de 2013.- O Bloque Nacionalista Galego de Foz organiza para este venres 12 de Abril, ás 20:30, no salón de conferencias do CENIMA, unha mesa redonda informativa sobre o que significará para os veciños e veciñas do concello a posta en marcha da Área Única de Xestión Integrada e na que participarán o médico do Hospital da Costa, Iago Vilamil e o membro da Plataforma da Sanidade, Xoán Bouza.
O Portavoz Municipal do BNG, Xan Carlos Basanta, lembrou que “a centralización das competencias sanitarias en Lugo implica retrotraernos máis de vinte anos atrás no que ten que ver coa atención sanitaria na Mariña ata o punto de que boa parte dos servizos que se estaban a prestar en Burela deixarán de ofrecerse. É máis, o desmantelamento dos servizos hospitalarios ten o seu correlato tamén na atención primaria que pasa igualmente a depender de Lugo o que vai significar unha redución na oferta de facultativos e por conseguinte, o colapso do sistema”.
Os nacionalistas referíronse “as declaracións que os propios facultativos do Hospital veñen de facer públicos en datas recentes nos que recoñecen que a negativa da Xunta a ampliar o Hospital provoca que a capacidade operativa do mesmo se vexa reducido dun xeito considerábel. Outro tanto acontece coa negativa de dotar ao Hospital da Costa dun escáner , que segundo o Director dimisionario do Centro, estaría amortizado en 30 meses, o que deixa as claras que se a nosa zona segue sen este servizo non é nin máis nin menos que pola concepción que a dereita ten da sanidade como negocio”.
Os nacionalistas focegos pretenden “achegar información de primeira man ao conxunto dos veciños e veciñas sobre as consecuencias dunha decisión que vai repercutir de xeito directo na atención sanitaria dos mesmos, fixando uns novos parámetros que nada teñen a ver coa actual. Nós non temos dúbida algunha que non hai ningunha razón de orde técnico que xustifique esta decisión. Son motivacións de orde política que debemos vincular á consideración do PP sobre os servizos públicos e o modelo de ordenación do territorio. Isto é a súa é unha política que parte da consideración da sanidade como un negocio pero tamén dunha política que acredita na existencia de cidadáns de primeira e de segunda en función do lugar de residencia. En definitiva unha folla de ruta que pretende a centralización dos servizos básicos como a sanidade ou a educación”.
Xa por último, Xan Carlos Basanta, fixo “un convite expreso á veciñanza de Foz a participar desta mesa redonda, posto que aínda estamos a tempo de darlle a volta a esta decisión da Xunta de Galiza que tantas implicacións negativas ten para todos os mariñáns. O camiño para dotar á comarca da Mariña da sanidade que se merece é o camiño da loita e da mobilización, un camiño que para ser andado precisa de que a xente conte coa información precisa”.
Foi o pasado venres, 30 de maio, na Finca San Antonio coa presenza de Agustín (porteiro do Madrid nos anos 80) en representación do club branco. Tamén estiveron presentes as Peñas de Viveiro, Xove e Ribadeo. Non acudiu, como estaba previsto, Tomás Roncero por problemas de saúde. No acto xuntáronse unhas 90 persoas.
Ao redor das 16:00 horas deste sábado, a Garda Civil informou ao 112 Galicia da presenza de dúas persoas atrapadas nunhas rochas, ás que a subida da marea impedía regresar a terra. Pouco despois, os xestores do Centro Integrado de Atención ás Emerxencias puideron contactar tamén cos implicados, que indicaron que se atopaban fronte a Pena Furada e confirmaron non podían volver polos seus propios medios. Desde o 112 Galicia alertouse a Salvamento Marítimo, ao Servizo de Gardacostas de Galicia, que mobilizou a auxiliar Mar de Galicia, e ao GES de Ortigueira. A embarcación recolleu en bo estado a ambas persoas, que foron trasladadas ao porto de Cariño.
O mandatario provincial trasladou persoalmente, en nome da institución provincial, as súas máis sentidas condolencias, así como o seu desexo dunha pronta recuperación para as persoas feridas. A continuación Tomé Roca asistiu á misa na igrexa parroquial e, posteriormente, participou na tradicional procesión ata o altar instalado na Nave de Redes do Porto. O percorrido realizouse sobre a alfombra floral elaborada polos veciños e veciñas da localidade, que este ano rende homenaxe á gastronomía e á figura do artista Xosé Vizoso.
Ocorreu na rúa de Viladaide Praia Altar. O 112 Galicia tivo constancia do accidente a través do persoal de Urxencias Sanitarias de Galicia-061, pouco antes das 13 horas: dous vehículos acababan de colidir e unha persoa permanecía no interior dun eles, incapaz de abrir a porta. Os Bombeiros de Barreiros tiveron que empregar o seu material de excarceración para extraer á persoa en condicións de seguridade. No operativo participou tamén a Garda Civil de Tráfico.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
A vítima sofrira feridas moi importantes nunha perna. Finaba a primeira hora deste sábado. Outras 5 persoas atropeladas no sinistro continúan en planta no hospital da Mariña.
Este xoves 29 de maio, A A.C. Francisco Lanza organizaou a presentación de “Cartas na escuridade”, de Lois Pérez. Da man de Teresa González Piñeiroa, e do propio autor, xs asistentes descubriron aos poucos pequenas claves da obra que recibiu o Premio Follas NOvas ao mellor libro xuvenil.
