O Burela FSF mantense firme cun contundente triunfo en Valladolid

O Burela FS Pescados Rubén mantense firme ao axexo do cume de Primeira División RFEF tras o contundente triunfo na complicada pista do Valladolid (3-6). As pupilas de Javier Pardeiro demostraron dominio absoluto do partido, cunha perfecta concentración que lles concedeu unha vantaxe de 0-3 no descanso, que chegou ata o 0-6 no minuto 30.

O Burela adiantouse aos catro minutos por mediación de Lucía Nespereira, aproveitando un rexeitamento para rematar desde dez metros. O tempo reafirmou o control das burelistas, ben situadas sobre a pista para ampliar as distancias no marcador. Así, no minuto 16, volveu deixarse ver a puntería mariñá, con Haydee, á saída dun saque de banda en lanzamento exterior, e Peque, alcanzando un rexeitamento desde o punto de penalti. Con 0-3 valisoletanas e galegas chegaron ao descanso.

No segundo tempo, o Valladolid non puido facer nada para conter a furia irresistible das laranxas, ávidas de gol. Dany sentenciou o 0-4, ao segundo pau tras pase de Peque, e segundos máis tarde, foi a propia Peque a que volvía aparecer para subir o 0-5, ao irse de Fátima e bater a Lorena. As locais responderon con porteira xogadora e chegou o 0-6 con hat-trick de Peque. Mantendo o xogo de cinco, Inma inaugurou o luminoso para as valisoletanas, no minuto 34. No 37 e o 39, Rosana, a pase de Fátima, e Amelia, cun potente remate desde seis metros, reduciron distancias ata 3-6, sen que o nerviosismo puidese aparecer nas filas laranxas.

Valladolid FSF: Lorena; Fátima, Claudia, Leti e Amelia (quinteto inicial). Tamén xogaron Cárol, Rosana, Inma y Jéssica.

Burela: Jozi; Dolo, Peque, Haydée e Lucía (quinteto inicial). Tamén xogaron Dany, Lidia e Maite.

Amoestaron con cartolina amarela a Lucía Nespereira (18) no Burela e a Carolina (39), Rosana (33) e Amelia (22) no Valladolid.

Goles

0-1, min. 4 Lucía Nespereira

0-2, min. 16 Haydée

0-3, min. 17 Peque

0-4, min. 23 Dany

0-5, min. 24 Peque

0-6, min. 30 Peque

1-6, min. 34 Inma

2-6, min. 37 Rosana

3-6, min. 38 Amelia