O Diario Oficial de Galicia publicaba onte a licitación dos servizos para a redacción do Plan Director do Hospital da Costa para o que se destinan 143.392,71 euros e un prazo de execución de seis meses.
Balseiro explica que na planificación de actuacións de ampliación e reforma do centro hospitalario de Burela tamén preveuse a posta en marcha dun hospital de día e que as as habitacións actuais da unidade de hospitalización de destinen a uso individual.
Santiago, 20 de abril de 2013.- Tralo compromiso adquirido polo presidente da Xunta, Alberto Núñez Feijóo na súa última visita á comarca da Mariña lucense, e do aval dado polo Consello da Xunta, o Diario Oficial de Galicia publicaba onte (venres 19 de abril) a licitación do contrato de servizos para a redacción do Plan Director do Hospital da Costa, isto é, un paso máis para a moi esperada ampliación do centro hospitalario mariñán. Unha contratación blindada coa súa publicación no DOG e para a que o SERGAS destina 143.392,71 euros e que contará cun prazo máximo de execución de seis meses.
APARCAMENTO SOTERRADO
O secretario do Parlamento galego e deputado autonómico, Jose Manuel Balseiro, quixo facer hoxe unha valoración dalgunha das principais novidades previstas neste proxecto de ampliación, moi en concreto no Plan funcional que serve de base para a redacción do futuro Plan Director e que inclúe propostas como é a da construción dun aparcamento soterrado cuxo obxectivo sería dar solución á saturación que presenta o parking actual e, sobre todo, ofrecer un servizo mellorado e con maior capacidade, axeitado ás novas necesidades dun hospital máis amplo.
O propio presidente da Xunta, Alberto Núñez Feijóo, explicou que o SERGAS se decantaba pola ampliación lateral este, anexando un novo edificio sobre a actual superficie de aparcamento e heliporto o que obrigaría a repoñelos construíndo un heliporto elevado (sobre o edificio da ampliación) e o novo aparcamento soterrado. Esta opción permitiría tamén conservar a vía de acceso a urxencias e respectar a rúa Rafael Vior.
HOSPITAL DE DÍA
Outras novidades salientables, segundo explicou Balseiro, son as referidas á posta en marcha do que se coñece como “hospital de día”, propio dos centros de alta resolución. Estes espazos, polas características das patoloxías que abordan, son áreas que reciben a pacientes externos que acoden en transporte sanitario ou encamados ou aqueles que ingresan co obxecto fundamental de realizar procedementos diagnósticos de control (analíticas e imaxes) ou precisan de coidados específicos por ter sondas e catéteres permanentes.
O Hospital da Dia tamén acollería os novos servizos de hematoloxía e oncoloxía médica, técnicas e intervencións menores, e soporte tamén a outras actividades como as consultas de alta resolución, apoio aos sistemas de hospitalización a domicilio, coidados paliativos e son moi útiles á hora de evitar novos ingresos hospitalarios.
HABITACIÓNS INDIVIDUAIS
Finalmente, Balseiro destacou que o proxecto de ampliación do Hospital prevé a creación de dúas novas unidades de hospitalización médico-cirúrxica a partir das unidades existentes na actualidade nos andares 1 e 2 pero cunha novidade substancial, a eliminación do uso das habitacións dobres actuais, converténdoas en individuais, o que permitiría un maior confort dos doentes, e incorporarán sofá/cama para acompañante e aseo completo e adaptado para uso por persoas con mobilidade reducida. O novo hospital tería dispoñibles, en función das patoloxías, habitacións dobres para os edificios de nova creación e habitacións individuais, nos edificios actuais.
En total a programación do SERGAS prevé unha superficie total de 5.407 metros cadrados útiles, que se transformarían en 7.530 metros cadrados construídos destinados ás distintas unidades e servizos.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
