A delegada territorial, Raquel Arias, visitou as actuacións, nas que se investiron máis de 61.000 euros e que inclúen obras que benefician aos veciños e usuarios de seis núcleos de poboación
Destacou a importancia de manter os accesos en condicións axeitadas para “facilitar a mobilidade dos residentes e, en especial, as actividades agrícolas e forestais”
Barreiros, 20 de abril de 2013.- A Consellería do Medio Rural e do Mar reparou nos últimos meses 2,5 quilómetros de camiños e pistas no concello de Barreiros, segundo confirmou a delegada territorial da Xunta, Raquel Arias, nunha visita realizada aos tramos afectados na que estivo acompañada polo alcalde da localidade, Alfonso Fuente Parga.
Arias explicou que a Xunta investiu 61.600 euros nas actuacións, das que se benefician os veciños e usuarios de seis núcleos de poboación. Os traballos comprenderon tanto a mellora do firme da calzada como a limpeza das gabias. A delegada destacou a importancia de manter en boas condicións os accesos no medio rural para “facilitar a mobilidade dos residentes e, en especial, as actividades agrícolas e forestais”.
Ao respecto, subliñou a relevancia que está a ter o Programa Estratéxico de Infraestruturas no Medio Rural (Peim), cofinanciado pola Xunta de Galicia e o Goberno central, por canto afecta á calidade de vida dos veciños e veciñas e incide en proxectos destinados a dinamizar a base produtiva.
As pistas reparadas a través do Peim, afirmou Arias, “son en ocasións o único acceso que teñen os núcleos de poboación afectados” e deben manterse en óptimo estado de conservación, “tanto pola seguridade dos veciños e veciñas como para garantir o normal funcionamento do transporte que as utiliza, como o transporte escolar, de gando ou de produtos agrícolas”.
Nesta liña, apuntou que o esforzo inversor realizado no Peim “demostra o valor estratéxico que lle concede o goberno galego ao incremento da base produtiva no rural, á incorporación de profesionais ao sector agrario para conseguir que a mocidade labre o seu futuro nos pobos”.
O tramo de maior lonxitude afectada no concello de Barreiros foi a conexión entre Carcaba e Pereira, en Cabarcos; neste punto arranxáronse 1,1 quilómetros, procedendo ao tratamento e limpeza do pavimento, antes da aplicación dunha nova superficie de firme de base asfáltica.
Igualmente, realizáronse traballos similares no barrio da Pena, na vía que une a zona do matadoiro coa estrada da praia, en Sarxéndez, e nos accesos do barrio Novo e da igrexa de San Cosme.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
