Primeira actividade do Colectivo Pensamento e sementeira

O venres 19 de abril o salón do Conservatorio profesional de Música de Viveiro acollerá a primeira actividade do Colectivo Sociocultural Pensamento e sementeira. Será unha charla informativa que leva por título “A crise económica e as estafas financeiras”. A hora de comezo está fixada para as 20.30 horas. O profesor de Economía Aplicada da Universidade de Santiago de Compostela Bernardo Valdés Pacos será o encargado de desenvolver o acto. O colectivo considera que é un asunto de actualidade e interese público polo que decidiron iniciar deste xeito a súa andaina. Cómpre sinalar que Pensamento e sementeira organizará debates, actos informativos, exposicións ou proxeccións e que están abertos ás propostas que fagan os asistentes á charla para poder programar no futuro actividades que sexan do maior interese.