Acompañados por dous profesores, 19 alumnos do Programa de Cualificación Profesional Inicial (PCPI) e do Programa de Diversificación Curricular (PDC) do IES Vilar Ponte de Viveiro, acudiron a Santiago de Compostela. Pola mañá pasearon polas Cubertas da Catedral nunha visita guiada que os levou polas orixes deste templo románico. A visita concluíu no interior da nave principal onde puideron ver o funcionamento do botafumeiro. Pola tarde, o grupo disfrutou dunha visita guiada polas instalacións da Cidade da Cultura de Galicia, como unha pequena toma de contacto co impresionante deseño arquitectónico do americano Peter Eisenman.
Alumnos do Vilar Ponte visitan Santiago de Compostela
Relacionado
-
Este martes, 27 de maio, o alumnado das aulas de galego e portugués impartidas por Dores Fernández Abel, profesora de Lingua e Literatura Galega e de Portugués no IES de Ribadeo Dionisio Gamallo, agora xubilada, puxo remate ao curso 24-25
-
Inauguración no complexo RegalXunqueira da exposición “Palabra e Memoria”, mostra en imaxes do incremento do uso do galego nas inscricións funerarias
-
Este martes tivo lugar o acto de izado da Bandeira Azul no inicio da Senda da Costa Naviega,
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
Recibiron diplomas e lotes de libros. Todos participarán na fase provincial. A edil felicitounos e animounos a seguir creando: “grazas a todas e a todos por participar. Anímovos a seguir creando, xa sexa a través da escritura ou do debuxo, xa que vos axudará a medrar como persoas”.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
Este xoves 29 de maio, ás 20,30h., na Biblioteca Municipal El Viejo Pancho de Ribadeo, a A.C. Francisco Lanza organiza a presentación da novela xuvenil "Cartas na escuridade", de Lois Pérez. Este relato xuvenil levou o premio de Literatura Xuvenil María Victoria Moreno. Teresa González Piñeiroa, profesora de Lingua e Literatura Galegas no IES de Ribadeo Dionisio Gamallo, vai conducir o acto.
