A delegada territorial destacou que o proxecto, que da resposta a unha vella demanda dos veciños, permite “proporcionar aos cidadáns e usuarios desta estrada unha vía máis segura e cómoda co obxectivo de evitar a sinistralidade”.
Esta actuación ven a completar os traballos realizados hai uns meses no mesmo vial e que consistiron na rehabilitación do firme, sinalización e mellora dos sistemas de contención, logo dun investimento de case dous millóns de euros.
Foz, 9 de maio de 2013.- A delegada territorial, Raquel Arias, confirmou hoxe que o Executivo galego rematará este mesmo mes de maio as obras de mellora acometidas durante o presente ano na estrada LU-162 ao seu paso pola localidade de Cangas de Foz, pertencente ao concello de Foz.
A delegada territorial, que hoxe mesmo visitou a actuación, practicamente ultimada, acompañada polo alcalde da localidade, Javier Jorge Castiñeira, indicou que os traballos, que supuxeron un investimento de 235.000 euros, permitiron a construción de beirarrúas na estrada LU-162 ao seu paso por Cangas de Foz. “Con esta actuación, mellóranse as condicións desta estrada, proporcionando aos cidadáns e aos usuarios unha vía máis segura e cómoda co obxectivo de evitar a sinistralidade”, destacou Arias.
O proxecto desenvolvido pola Consellería de Medio Ambiente, Territorio e Infraestruturas dotou de beirarrúas a estrada, en ambas marxes, ao longo de 515 metros do tramo urbano da vía, que conecta Cangas con Ferreira de Valadouro.
A representante do Executivo galego na provincia lembrou que se trata dunha vía de conexión da comarca da Mariña que rexistra elevadas densidades de tráfico, estimándose que o radio de poboación beneficiada –de Foz e os concellos do entorno- supera os 26.000 habitantes.
Esta actuación, segundo significou Arias, “ven a completar as obras de mellora realizadas” hai uns meses neste mesmo vial e que consistiron “na rehabilitación do firme da estrada, sinalización, balizamento e mellora dos sistemas de contención, para o que se investiron preto de dous millóns de euros (1.913.385,64 euros)”.
Estas obras, cuxo proxecto foi realizado polo enxeñeiro da Delegación Territorial de Lugo, Carlos Escudero -tamén presente na visita de hoxe-, dan resposta a unha vella demanda dos veciños da zona e á solicitude do propio alcalde focense.
Ademais, a execución do proxecto permitiu dotar dunha rede de augas pluviais en cada marxe da estrada, mediante tubos de PVC de 400 mm. de diámetro, conectándoas coas redes existentes para o desaugue. Ao longo dos tramos dispuxéronse pozos de rexistro cada 60 metros e sumidoiros sifónicos cada 30 metros, para poder evacuar a auga procedente da calzada. Pola súa banda, as beirarrúas foron construídas con baldosa hidráulica de 30×30 centímetros, sobre morteiro, formigón e zahorra artificial, con bordelo de formigón bicapa.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
