Cervo, 31 de maio de 2013. O BNG volveu levar ao pleno de Cervo por urxencia unha moción promovida pola Plataforma na Defensa da Sanidade Pública e unha vez mais o PP negouse a debatela, nesta ocasión porque nin Villares nin Balseiro cren motivada a urxencia e no pleno anterior, o 9 de maio, pola suspensión inesperada e pouco democrática ordenada polo alcalde da sesión debido á presenza da Plataforma sanitaria da Mariña. O BNG volveu criticar ao PP polo “baixo perfil democrático” por negarse a debater sobre un asunto que está preocupando a boa parte da sociedade cervense e mariñá que un día tras outro quéixanse das constantes derivacións de pacientes e do colapso existente no Hospital da costa que o PP non quere escoitar.
Para os nacionalistas “o goberno municipal de Cervo fuxe dos debates que non lle conveñen e négase a dar a cara para defender as medidas que o seu propio partido aplica”, o portavoz municipal nacionalista, Xoán Estúa, cuestionou a actitude de Villares e Balseiro “que fai tres semanas suspendían o pleno e onte escaparon do debate para non posicionarse”.
O Alcalde de Cervo non aclara o exceso de facturación das eléctricas co concello que preside ao tempo que como Vicepresidente da FEGAMP declara irregularidades xeneralizadas.
Estúa criticou a falta de claridade nas respostas do alcalde a preguntas concretas presentadas no pleno celebrado o oito de febreiro onde se reclamaba datos para coñecer o exceso de facturación das eléctricas contratadas polo concello e tampouco sobre o cumprimento ou non da lexislación vixente dos contadores instalados nas dependencias e servizos municipais. A Estúa parécelle preocupante que o alcalde de Cervo na súa condición de Vicepresidente Executivo da FEGAMP diga publicamente o 5 de febreiro que hai “irregularidades xeneralizadas nos concellos” e no de Cervo, onde el é alcalde case cinco meses despois “recoñeza que o concello non ten elaborado ningún informe sobre os excesos de facturación das compañías”.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
