Foz, 29 de maio de 2013.- O BNG de Foz lamenta profundamente que un ano máis no noso Concello moitos nenos e nenas se quedarán sen praza nas escolas infantís de Foz e acusa ao PP de non facer absolutamente nada para resolver esta situación. Unha vez publicadas as listas definitivas de admitidos nas dúas escolas infantís que existen no Concello, temos que denunciar o número tan alto de nenos e nenas que non puideron acceder a unha praza e quedaron excluídos. Este ano quedaron fóra 47 nenos e nenas, un número superior ao doutros anos e que representa case o 50% de toda a comarca da Mariña, que foron en total 92 nenos e nenas.
Para o BNG, resulta moi esclarecedor que o PP desde a Xunta non movera un dedo para resolver o problema da falta de prazas en educación infantil que o noso Concello arrastra desde hai anos porque indica que lle preocupa pouco ou nada. Pero tamén é cómplice o alcalde e o grupo de goberno por non ser capaces de esixir e negociar unha saída a esta situación, por non facerse valer e defender os intereses de Foz, supoñemos que “por non molestar”. “Se as persoas do PP local co alcalde á cabeza non son capaces de xestionar máis prazas de infantil para Foz cando son tan necesarias deberían pensar para que están aí postos” afirma Xan Carlos González Basanta, o portavoz municipal.
En numerosas ocasións o BNG advertiu e denunciou esta situación. Incluso foron varias as mocións aprobadas por unanimidade de todos os grupos políticos no pleno co fin de ampliar as prazas. Tamén o BNG durante tres anos consecutivos presentou emendas aos Orzamentos da Xunta de Galiza para que se habilitara unha aula máis no piso superior da escola infantil do Consorcio. En ningún caso, nin na anterior nin nesta lexislatura, o PP considerou esta emenda chegando á situación que hoxe temos en Foz: unha gran demanda de prazas nas escolas infantís que non se cobren nunha proporción moi alta quedando fóra case o 50% dos nenos e nenas admitidas. Segundo se pregunta Basanta “¿como pode ser que noutros concellos similares ninguén se quede sen praza nas escolas infantís –Ribadeo por exemplo- ou queden nun número moi reducido e en Foz queden tantos?”
O BNG volverá a reiterar a demandar a ampliación de prazas nas escolas infantís porque non é de recibo que queden tantos nenos e nenas sen a posibilidade de poder ter unha atención e unha educación integral desde os seus primeiros anos, ademais de supor para as nais e os pais unha forma de conciliar a súa vida laboral e familiar nun tempo onde estes servizos máis necesarios se fan.
O BNG insta ao PP a acabar con esta política de falsa austeridade que utiliza a crise como coartada para recortar, encarecer, deteriorar e privatizar servizos públicos que con moito esforzo todos e todas conseguimos implantar na nosa sociedade, como foi a rede de escolas infantís que comezaron a funcionar co nome de galescolas por iniciativa do BNG estando no Goberno da Xunta.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
