O Valadouro, 29 de maio de 2013.- O Partido Popular considera que o BNG do Valadouro asumiu con toda naturalidade o papel político de “tonto útil” en todo o conflito que está a acontecer neste concello lucense. Os populares preguntan aos nacionalistas si teñen previsto manter esta estratexia de apoio incondicional ao bipartito e, sobre todo, si van a ser capaces de rectificar e deixar de ser cómplices na pretensión de socialistas e independentes de poñer prezo á gobernabilidade do Valadouro.
Desde o PP lembran que aínda que os nacionalistas –por decisión propia– non formarán parte do futuro goberno municipal, tampouco están fóra do pacto, xa que son un dos tres grupos promotores da moción de censura e unha das tres formacións políticas asinantes do documento notarial. Un pacto, por certo, cuxo contido íntegro segue a estar oculto, o que fai sospeitar aos populares sobre a posibilidade de que inclúa outro tipo de contrapartidas tan ou máis escandalosas, “non só é segredo senon un intento de enganar aos veciños”- aseguran os populares.
No PP cuestionan o papel político que xoga o BNG en todo este asunto. De feito están seguros que o propio concelleiro local nacionalista non puido negociar este pacto xa que, no pouco que se coñece del, o documento notarial, anticipa unha posible substitución do actual edil do BNG. “Non nos vale que o desminta Ana Ermida, que ela diga que non o van a substituír, senón que debe facelo alguén con peso suficiente no BNG a nivel rexional”. Ao entender do PP o concelleiro do BNG está a ser dobremente utilizado: tanto polos os asinantes do pacto, que o empregan como coartada para manter os 100.000 euros de indemnización, como tamén, polos seus propios compañeiros de partido que, segundo consta no pacto, teñen pensado substituílo.
FORZAR A RECONSIDERACIÓN DO PACTO
Desde o PP din tamén que si o BNG quere –cousa que está por ver- ten na súa man a capacidade de decidir e de forzar a socialistas e independentes para que deixen sen efecto esa escandalosa cláusula pola que as forzas do futuro bipartito acordan pagar unha indemnización mutua de 100.000 euros en caso de ruptura do pacto de goberno.
Segundo o PP no BNG deberán elixir “entre seguir ao servizo de PSOE e Udival ou comportarse como políticos responsables” e nese senso empraza aos nacionalistas a “ser valentes e antepoñer os intereses do Valadouro, e os seus veciños, sobre calquera outra consideración”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
