Foz, 29 de maio de 2013.- O BNG de Foz móstrase en total desacordo coa suba das taxas no servizo de axuda do fogar que o PP pretende aplicar no noso Concello e que o goberno municipal trae xa por segunda vez a pleno. A modificación vén imposta pola aplicación do Decreto 99/2012 polo que se regulan os servizos sociais comunitarios e o seu financiamento, que o Goberno de Feijoo aprobara en marzo do ano pasado e ao que o BNG se opuxo porque significa na práctica a desaparición do carácter público e social deste servizo básico.
A Xunta do PP non só segue recortando os orzamentos en materia de servizos sociais (o Plan Concertado no 2012 no Concello de Foz recortou máis dun 70% con respecto ao ano anterior) senón que, con este decreto, desenténdese do financiamento do Servizo de Axuda no Fogar Básico de todos os concellos de menos de 20.000 habitantes, obrigándoos a que os usuarios e usuarias paguen máis nas súas achegas en forma de copago, ou no peor dos casos, a que os servizos desaparezan e só se manteñan para as persoas dependentes coa prestación asignada no seu Plan Individual de Atención.
A suba nas tarifas pode dificultar a algunhas persoas o acceso ao servizo
O BNG de Foz, unha vez comprobado o que representa a suba nas tarifas do Servizo de Axuda no Fogar nas dúas modalidades ten que manifestar que supón unha nova medida que repercute dobremente o custe dos servizos sociais básicos nos cidadáns e que pode significar que moitas persoas reduzan ou deixen o servizo por non poder pagalo.
Segundo o voceiro do BNG, Xan Carlos González Basanta, se tomamos un exemplo medio dun usuario da axuda no fogar en réxime de libre concorrencia que gañe 700 € ao mes e que necesite 8 horas ao mes do servizo, coa anterior tarifa pagaría 9,23 €/mes mentres que coa tarifa que pretende impor pagaría 18,46, é dicir, o dobre. No caso da modalidade de SAF a dependentes o copago tamén aumenta. No mesmo caso anterior nun caso de grao de dependencia medio, cunha capacidade económica de 700 € que necesitara 40 horas ao mes, tería que pagar sobre 48,8 € ao mes, case 3 € máis que coas anteriores tarifas.
Temos que dicir que todas as tarifas aumentaran xa no Concello despois da privatización deste servizo de axuda no fogar (cos votos favorables do PSOE e do PP e en contra do BNG en xaneiro de 2010), establecéndose en 11,54 € por hora, o dobre do que era antes. O custe do contrato de xestión do SAF a dependentes valorados no Concello de Foz elévase a 318.919,44 € e a pesar de que se atopa vencido a empresa segue a prestar os seus servizos, feito que xa ten denunciado o BNG.
Por todo isto, o BNG vai manter o voto de abstención como no pleno anterior porque a pesar de estar en contra desta lei (que suporá entre outras cousas un maior custe do servizo para os veciños e veciñas de Foz), votar en contra suporía poñer en risco a aportación da Xunta e o mantemento do propio servizo de axuda no fogar no sucesivo, como advirte o informe xurídico. Para levar a cabo outras políticas máis sociais e que non utilice a crise para seguir recortando e encarecendo os servizos públicos é necesario que os gobernos que aproban estas políticas estean de lado da xente, como fai o BNG.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
