MALIA TER A FLOTA MÁIS IMPORTANTE DA UE GALIZA SÓ RECIBE ESMOLAS COA NOVA POLÍTICA PESQUEIRA COMÚN
Os nacionalistas denuncian que “o mar está cheo de xarda e a flota é obrigada a tirala ao mar pola aplicación dos criterios da UE”
A Mariña, 24 de maio de 2013. O BNG de A Mariña estivo na mañá de hoxe no mercado de Burela continuando coa campaña “Non é unha crise, é un roubo!”. Nesta ocasión, representantes comarcais e locais do BNG, encabezados polo viceresponsábel comarcal, Xoán Estúa, e o responsábel nacionalista en Burela, Roberto Bouça, participaron nun reparto informativo no que achegaron ás veciñas e veciños da localidade mariñá a postura do BNG a respecto da actual situación económica e das consecuencias das políticas que están a pór en marcha os distintos gobernos.
A situación pola que atravesa o sector pesqueiro foi unha das cuestións que os nacionalistas trataron neste acto. Segundo manifestou Xoán Estúa “tamén o sector pesqueiro galego está a sufrir as consecuencias dunha política feita a medida dos intereses económicos das grandes empresas, aplicando a normativa europea sen dubidalo a pesar dos prexuízos que está a provocar na flota galega.” Neste sentido, os nacionalistas criticaron que o Partido Popular “aplique con total impunidade os criterios da UE que marxinan gravemente á flota galega, por exemplo, cun reparto de cotas ridícula a respecto da envergadura da nosa flota.” O nacionalista engadiu que “a PPC 2014-2020 non ten en conta as dimensións e capacidade da flota galega, a mais importante da UE, polo que as posibilidades da nosa flota pesqueira veranse gravemente afectadas”.
Neste sentido, o responsábel local de Burela, Roberto Bouça, criticou que “o mar estea cheo de xarda e a flota artesanal sexa obrigada a matar esta especie para despois tirala ao mar por imposición da UE. Por esta razón, piden que “os gobernos galego e español aposten claramente por defender o sector pesqueiro e deixen de actuar como simples delegados da UE.” O portavoz nacionalista burelao concretou que nos tres primeiros anos de aplicación da PPC “os descartes terán que ser cero ou se descontarán da cota de pesca sen que exista ningunha medida compensatoria”.
Acto central da campaña en Viveiro
Os nacionalistas aproveitaron tamén a súa visita ao mercado burelao para animar ás veciñas e veciños desta localidade a asistir ao acto central que terá lugar mañá, sábado 25, ás 20:30 horas na Praza da Fontenova de Viveiro. Este acto, que se centrará no roubo que están a sufrir as persoas estafadas polas preferentes, contará coa presenza do Portavoz Nacional do BNG, Xavier Vence, e do portavoz dos afectados polas preferentes, Xulio Vicente.
O BNG anima á cidadanía a mobilizarse e a dar resposta aos continuos roubos que está a sufrir para parar o roubo que se está a perpetrar ás clases populares mentres se sigue engordando a banca e o grande capital.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
