O Grupo Municipal Popular de Viveiro a través do seu concelleiro Celestino García Paz fai público mediante un comunicado varios rogos e preguntas que realizarán no vindeiro pleno ó alcalde do Concello.
Rogos
– Ante as queixas recibidas por parte de varios veciños dos barrios de Barbeito e Aura ó lado da carreteira dende Outeiro de Magazos ata Valdemirós en San Pedro, e polo que rogan se coloquen sinais de límite de velocidade, tanto para a seguridade dos peóns como dos automobilistas.
– O Grupo municipal do PP, xa presentou no pleno do 25 de maio de 2009, un rogo para adecentar e eliminar as augas estancadas nunha construción dos Molineros na rúa Emilio Bouza Basanta, a carón das vivendas de O Pedregal en Covas e que se encontra parada dende hai tempo. Por este motivo, rogan unha vez máis, que se lle requira ó construtor e dono da finca para que á maior brevidade posible, adecente, limpe e elimine o oco das augas estancadas, “que o único que fan e producir un cheiro nauseabundo e pragas de mosquitos”, así como, que se adecente o peche do mesmo.
– Veciños da rúa Emilio Bouza Basanta e do barrio do Pedregal de Covas, quéixanse da presencia de ratas, principalmente nas zonas cercanas ós contedores da basura, polo que rogan que se adopten as medidas oportunas para eliminar a presencia destes animais.
– Na Praza de Lugo non existe ningún paso de peóns para acceder á rotonda de dita praza, ben como zona de ocio ou simplemente para o acceso ós contedores soterrados, co conseguinte perigo para os viandantes, motivo polo que rogan que os técnicos do Concello ou ben a Policía Local elabore un informe para ver a posible colocación dun paso de peóns dende a esquina do BBVA e outro dende a esquina da farmacia de Sara Varela cara a mencionada rotonda.
– Varios Concellos de A Mariña coma Xove, e Burela, teñen instalados depósitos para a recollida de aceites usados, como unha forma de contribuír á mellora do medio ambiente, motivo polo que roga o PP de Viveiro ó goberno local que realice as xestións necesarias coa empresa que se encarga desta recollida na Mariña, por si fora do interese do Concello que tamén se efectúe.
Preguntas
Ademais, o Grupo Popular vivairense realizará as seguintes preguntas sobre as que desexa obter a correspondente resposta, ben oral ou ben escrita.
Segundo os populares, a comezos de xaneiro deste ano 2013, o goberno local afirmaba en distintos medios de comunicación escritos, a negociación coas dúas comercializadoras eléctricas E-ON e GAS NATURAL para unha redución do custe enerxético coa pretensión de aforrar un 25%. Por iso, preguntarán se se está a negociar con estas compañías, en caso afirmativo quén é o responsable de dita negociación e de habela en qué punto se atopa a día de hoxe.
No pleno do dia 29 de Novembro de 2012 , o grupo municipal popular preguntaba ó alcalde, Melchor Roel, para cándo estaba prevista a posta en servizo do saneamento dos Barrios de Hermosende , Pontigo e Parraguesa da parroquia de Galdo, sendo a súa a resposta que “sería para esta semana , cando autoricen enchufar entrará en funcionamento”. Despois de seis meses, o PP de Viveiro afirma que a dia de hoxe a situación está igual ou parecida, motivo polo que lle farán a mesma pregunta: para cándo está previsto a posta en servizo do saneamento dos Barrios de Pontigo, Hermosende e Parraguesa da parroquia de Galdo.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
