Os deputados autonómicos Concepción Burgo e Carlos González Santín anuncian iniciativas no Parlamento para coñecer que intereses ten o Goberno galego coa empresa promotora, despois de recualificar 1,73 millóns de metros cadrados, 173 hectáreas rústicas, e pretender agora expropiarlle os terreos comunais aos veciños.
A Xunta deu 14 millóns de euros para un centro privado de dependentes en Bóveda mentres reduce 12 millóns no plan concertado público, vén de desentenderse construción da residencia prometida en Carballedo e afirma que a rede de 12 residencias da Deputación non é “necesaria nin prioritaria”.
Os deputados Concepción Burgo e Carlos González Santín denunciaron esta mañá nunha rolda de prensa “o camiño cara un modelo elitista de privatización dos servizos públicos” da Xunta na provincia, que se suma aos pasos xa dados en educación e sanidade. Os socialistas anunciaron que presentarán varias iniciativas no Parlamento para coñecer que intereses ten o Goberno galego para impulsar un macroxeriátrico privado en Guitiriz “mentres bloquea as prazas e as residencias públicas” en Lugo. A Xunta recualificou 1,73 millóns de metros cadrados, é dicir, 173 hectáreas rústicas de protección forestal para o proxecto e, segundo a información xa adiantada nun medio, pretende agora expropiarlle os terreos comunais aos veciños.
“Ao parecer xa había un acordo para que esta empresa pagase 30.000 euros anuais para compensalos polo uso do monte veciñal, pero á Xunta non lle debía parecer suficiente a ganancia prevista de 14,7 millóns anuais para esta empresa” que, lembra González Santín, é unha promotora que ten actividade só desde 2005 e sita en Alcalá de Henares. Mentres, destaca o socialista, a conselleira Beatriz Mato negouse a apoiar e conceder prazas públicas na rede de 12 residencias públicas prevista pola Deputación en toda a provincia, ao non consideralas “necesarias nin prioritarias”. González Santín pregúntase “en que mundo viven Feijóo e os seus e cara que modelo queren ir, cun xeriátrico cun custo mínimo de 1.500 euros mensuais para a familia por praza cando en Lugo hai pensións que non chegan aos 600 euros”.
“Gueto de persoas maiores”
A deputada Concepción Burgo anunciou iniciativas ante a Consellería de Medio Ambiente, que fai “un urbanismo á carta”, para coñecer cal é o interese público e xeral que existe para expropiar con cartos públicos terreo para este proxecto privado, e ante a Consellería de Traballo e Benestar, á que lle preguntará ademais se existe algún compromiso de creación de traballo coa parados da zona, xa que a empresa é madrileña. A socialista destaca ademais que o PSdeG está en contra dun modelo de macroxeriátrico nun monte illado da poboación, un modelo que rexeitan os expertos, como a Sociedade Española de Xeriatría, que recomenda a atención na casa ou en residencias pequenas integradas na sociedade nun entorno con xente de todas as idades. Os expertos, apunta, chámanlle ao modelo que pretende apoiar o PP “gueto de persoas maiores”.
14 millóns nun centro privado en Bóveda e 12 millóns menos no plan concertado
Burgo lembrou ademais que “o cambio de modelo cara a privatización é moi claro” con exemplos como que a Xunta vén de dar 14 millóns de euros para un centro privado en Bóveda “que dun día para outro pasou de ser para dependentes intelectuais a dependentes físicos cando viron que non valía para o que estaba previsto”, mentres de 2009 a 2013 o PP ten reducido 12 millóns de euros para o plan concertado público que se dedica aos servizos sociais dos concellos.
Outro exemplo do “pasotismo e a indiferenza da Xunta” coas residencias públicas da provincia é o caso de Carballedo. Como denunciou o PSdeG, o Goberno galego desenténdese do proxecto de residencia para maiores que o alcalde, do PP, vén prometéndolles aos veciños desde 2010 e cunha promesa electoral. Nunha resposta por escrito da Xunta a unha pregunta dos socialistas no Parlamento, “din que a faga o alcalde se pode, e se non dálles igual, así que recoñecen que estiveron enganando á xente e que isto é fume”, lamenta Burgo, ante a afirmación da Xunta de que “na medida en que o promotor destas iniciativas é o Concello, enténdese que é tamén este quen levará a cabo a construción e a posta en marcha do centro”.
Residencia da Deputación en Guitiriz
Os socialistas lembran ademais o “total bloqueo do PP” ao proxecto de residencia pública que ten a Deputación actualmente en Guitiriz mentres apoian o macroxeriátrico privado. Desde o PSdeG lembran que o goberno provincial ten 15 millóns de euros consignados para avanzar na rede provincial de 12 residencias e centros de día en Trabada, Pol, Castroverde, Pedrafita, Ribas de Sil, A Fonsagrada, Meira, Guitiriz, O Saviñao,Navia de Suarna, A Pobra do Brollón e Riotorto, que “sofren o continuo boicot da Xunta en canto a licencias e concertación de prazas, debe ser porque non axudan a ningunha empresa amiga ou porque non dan votos”, lamenta Burgo.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
